Shimbi 8:5 - MUKANDA USANDU WA ZAMBI 1975

⁵ Nunyonge mu mbunge jenu ngwenu, Ngwe chisemi mafumba mwanenyi, chocho Yehova Zambi yenu kakunufumba yenu.

Mukanda Wa Zambi 1970

⁵ Nyingikenu ngwenu, Mwene Zambi, Zambi yenu, kakunufumba ni kunumwesa lamba ngwe chize tata akufumba mwanenyi.

Shimbi 8:5 Iomraidhean Croise

2 Samuel 7:14

Ami kumungukapwa tato; iye kumakapwa mwanami. Nyi malinga uhenge mungumufumba ni mbwechi ya atu ni mijiji ya ana ja atu.

Miaso (Masamu) 89:32

Mba mungukanjisa Utanguko wo ni mbwechi, uhenge wo munguukanjisa ni mijiji.

Miaso (Masamu) 94:12

Kawaha yoze wakumufumba yena, Yehova; yoze wakumulongesa ku shimbi je,

Yishima 13:24

Yoze matepulula mbwechi yenyi kakuvwila kole mwanenyi; alioze yoze wamuzanga mamufumba kanawa.

Yishima 3:11

Mwanami, kanda ulelesa kufumba cha Yehova, hanji kwivwa kupiha ha kukanjisa chenyi,

Yishima 3:12

mumu mweswe Yehova kamuzanga kakumukanjisa, ngwe lunga kakukanjisa mwanenyi yoze wamuwahila.

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Ezekiel 12:3

Kashika, yena mwana mutu, lilulikile yikwata ya njize ukaye ku unjize ha mwalwa kumeso jo. Mukatuka kuma kwe ukaye unjize kuma kweka kwe kumeso jo. Hanji muchialumbunuka chipwe kapwa munyachi wa yihulia.

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

1 Korintu 11:32

Alioze muze matupatwila matulamba ha kufumba kuli Mwene, hanga kechi katuhisa hamwe ni akwa hashi.

Shimbi 1:31

Ni mu puya, nwamwenemo ngwe Yehova Zambi yenu anumbachile ngwe lunga mambata mwanenyi, mu jila yeswe nwayilemo, ndo nwejile kuno.

Shimbi 4:23

Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Shimbi 4:36

Yanuvwisa liji lienyi Unatuhuka mwilu, anufumbe. Hano hashi yanumwesa kahia kenyi kanene. Nwevwile maliji jenyi anatuhuka mukachi ka kahia.

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Shimbi 8:6

Nufunge maliji a shimbi a Yehova Zambi yenu, mukwenda mu majila jenyi, mukumuvwila woma.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.