Shimbi 8:3 - MUKANDA USANDU WA ZAMBI 1975

³ Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Mukanda Wa Zambi 1970

³ Yanuhombola, yanuvwisa zala, yanwaha mana ha kulia, yakulia yize yenu chibwe tushakulu twenu haanga te kanda nuchiyilia kama. Yachilinga ha kunulongesa ngwenyi, mutu kahashile kubwa ni mwono ku mbolo wika, alioze ku maliji eswe waze akuhanjika Zambi.

Shimbi 8:3 Iomraidhean Croise

Miaso (Masamu) 105:40

Echile mba wanehene ngwali. Waakuchishile ni kulia cha mwilu.

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Mateu 4:4

Alioze iye wakumbulwile ngwenyi, Chinasonewa ngwo, Hi ku mbolo wika ko, mutu mapwa ni mwono, alioze ku maliji eswe akutuhuka mu kanwa lia Zambi.

Luka 4:4

Yesu wamukumbulwile ngwenyi, Chinasonewa ngwo, Hi ku mbolo wika ko mutu matwama ni mwono, alioze ku maliji eswe a Zambi.

1 Korintu 10:3

Eswe alile kulia chimuwika cha uspiritu;

Shimbi 29:5

Nanutwalile mu puya makumi awana a miaka; mazalo jenu kafwileko ha mijimba yenu, haku jenu kujafwile ha molu jenu.

Shimbi 29:6

Kunwalile mbolo, chipwe kunwanwine vinyu, hanji yakunwa yisasu, hanga nunyingike ngwami, Yami Yehova Zambi yenu.

Shimbi 32:47

Mumu kuli yenu hi chamokomoko ko, kuchapwa mwono wenu, ku chuma chino munukokesa matangwa jenu mu chifuchi, nunazauka Yordau kuchizuka.

Shimbi 9:9

Ha kukanduka chami ha mulundu mukulambula mikanda ya mawe, te ye mikanda ya usendo Yehova aukolesele ni yenu, yingutwama ha mulundu makumi awana a matangwa ni makumi awana a ufuku. Chalile, chipwe chanwine.