Shimbi 8:18 - MUKANDA USANDU WA ZAMBI 1975

¹⁸ Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

Mukanda Wa Zambi 1970

¹⁸ Iwulukenu ngwenu Mwene Zambi, Zambi yenu, mwe wakunupwisa pichi. Halinga chino mumu ndoo ni musono kakufunga Usendo uze akolesele ni tushakulu twenu.

Shimbi 8:18 Iomraidhean Croise

Ubutukilo 32:14

Pembe a yihwo makulakaji aali; a kuji makumi aali, mapanga a yihwo makulakaji aali; a kuji makumi aali.

1 Sango Ja Mianangana 29:12

Upite ni ulemu kuli yena unakatuka, ni yena wakuyula yuma yeswe. Ngolo ni ndundo jili mu chiyulo che, ni poko ya kulemesa atu ni kuhana tachi kuli eswe.

2 Sango Ja Mianangana 25:9

Amazia yamba kuli mutu wa Zambi ngwenyi, Alioze kuchi mutulinga ha kulakaji lia *talentu hinahana kuli maswalale a Izalele. Mutu wa Zambi yakumbulula ngwenyi, Yehova kanahase kukwaha upite kuhiana uno.

Miaso (Masamu) 144:1

Yehova liwe liami afumane, yoze wakulongesa moko jami kwasa jita, ni minwe yami kulitachika.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Yishima 10:22

Chiwape cha Yehova kuchakupichisa, ni kechi kuwezako chinyengo.

Longeshi 12:1

Iwuluka Tangi ye ha matangwa ja ukweze we, shimbu matangwa api kandeza, hanji miaka yize muyiza muze muwamba ngwe, Chawahililile nayo.

Longeshi 9:11

Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Jeremia 23:27

O kakuzanga kuvulamisa atu jami jina liami ni yilota yize akuliawila, chizechene ngwe tulamba two avulamine jina liami mumu hali Mbale.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Shimbi 26:10

Kutala! Haliapwila, twaneha mbuto yitangu ya ku mavu, yenu Yehova nwatwahayo. Nuyitumbike kumeso ja Yehova Zambi yenu, nuwayile kumeso ja Yehova Zambi yenu.

Shimbi 6:11

ni mazuwo a tò ni yuma yeswe yipema enu kunwaazalishile, ni mashima a kutota enu kunwaatotele, ni minda ya uva ni mitondo ya olevwe enu kunwayitumbile; munulia ni kukuta,

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Shimbi 8:1

Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.

Akwa Kuyula 7:2

Yehova yamba kuli Ngideone ngwenyi, Atu ano uli no hoka naye. Chichi kuhasa kuhana A-Mindiane mu moko jo kuchina A-Izalele malisamba nikulimika ni yami ngwo, Moko ja yetwene hatupulula.

1 Samuel 2:7

Yehova kakupwisa mutu chiswale; kakupwisa pichi. Kakununguna mutu; kakumuzundula.