Shimbi 8:16 - MUKANDA USANDU WA ZAMBI 1975

¹⁶ Iye wanulishile maná mu puya, akakenu kayinyingikine, hanga anulelese, hanga anweseke, mba ha kusula akanulinge chipema.

Mukanda Wa Zambi 1970

¹⁶ Mu puya yanwaha mana ha kulia, yakulia yize tushakulu twenu haanga te kanda achiyilia kama. Yachilinga hanga anuhombole ni anweseke. Ha kusula anuwahise ni yuma yibema.

Shimbi 8:16 Iomraidhean Croise

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

2 Sango Ja Mianangana 32:31

Alioze ha chikuma cha mikeji a kuli alemu a Babilonia waze atumine kuhula ha yipupu yize alingile mu chifuchi, Zambi yamwecha akamweseke akanyingike yize yeswe ya mu mbunge yenyi.

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Miaso (Masamu) 119:68

Yena uli mupema; wakulinga chipema. Ungulongese yiyulo ye.

Kutuhuka 15:25

Iye watetele kuli Yehova, mba Yehova yamulweza mutondo, yaumbila mu meya, meya yalumuka ayema. Kuze kwene akolesele hali ayo chiyulo ni liji lia shimbi. Kuze kwene nawa iye yaeseka.

Kutuhuka 16:15

Muze A-Izalele achimwene, yaliamba umwe kuli mukwo ni mukwo ngwo, Acho chika? Mumu kanyingikine chize chipwa. Mose yamba kuli ayo ngwenyi, Yino mbolo yize Yehova hanwaha nukalie.

Kutuhuka 16:31

Mba A-Izalele yachiluka jina, ngwo, Mana. Te yapwile ngwe mbuto ya koentru, yitoma. Kupanjika chayo ngwe likemba lia kuchinga ni wuchi.

Kutuhuka 16:4

Henaho Yehova yamba kuli Mose ngwenyi, Mungukanunokesela mbolo ya kukatuka kwilu. Atu makatuhuka akalinge kulia cha tangwa ha tangwa hanga yami ngukaeseke, shina o makenda mu shimbi yami, shina ka.

Kutuhuka 20:20

Mose yamba kuli e atu ngwenyi, Kanda nwivwa woma mumu Zambi heza mukunweseka, hanga woma wenyi ukapwe kumeso jenu, hanga kunuchi kavulumuna.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.

Shimbi 8:3

Yanulelesa, yanumwesa zala, yanulisa maná enu kunwayinyingikine, chipwe akakenu kayinyingikine, hanga akanunyingikise ngwenyi, Mutu keshi kupwa ni mwono ha kulia wika, alioze ku yeswe yinatuhuka mu kanwa lia Yehova mutu matwama ni mwono.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu: