Shimbi 8:15 - MUKANDA USANDU WA ZAMBI 1975

¹⁵ Iye wanusongwelele ndusu puya yinene, kole ni mwongo, tupela ni tuvwanda apwilemo, chifuchi chumu, kumwapwilemo meya niamwe, iye wanutuhwishilile meya ku liwe lia utale.

Mukanda Wa Zambi 1970

¹⁵ Yanusongwela mu puya yinene yakukomwesa muze mwabwile tupela a utende ni tuvwanda. Mu chifuchi chize chumu kuchishi meya, yanutuhwishila meya mu liwe.

Shimbi 8:15 Iomraidhean Croise

Miaso (Masamu) 105:41

Wapakwile luliwe, meya apukukilemo nikwenda muma mumu ngwe lwiji.

Miaso (Masamu) 114:8

yoze walumwine liwe Chitende cha meya; walumwine liwe lia kahia likapwe fuji lia meya.

Miaso (Masamu) 136:16

Kuli yoze wasongwelele atu jenyi ndusu mu puya; mumu utu wa zango lienyi wa mutolo.

Izaya 30:6

Liji lia kutwala kuli ngongo ja ku Negeve. Ndusu mu chifuchi cha lamba ni kupinda, kuze kwakatuka ndumba a chihwo ni kuji, ni yenge ni toto, kakumbata upite wo ha manyima ja yimbulu, ni yikumba yo ya ndando ha kunda ja tumelu, kuli atu aze kechi kuhasa kwakwasa.

Izaya 35:7

Masekeseke a kahia malumuka Chitende, ni mavu a pwila malumuka mafuji a meya. Wendelo wa mikuza kuze apwile nikupomba muupwa wa mwambu ni mbungu ni manenga.

Izaya 43:19

Ngunalingi yuma yaha, kuyinasoloka, kunwayimwene? Mungupula jila mu puya, mungusa njiji mu kango.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Hosea 13:5

Yami nanunyingikine mu puya, mu chifuchi cha pwila.

Kwalula 20:11

Mose yazundula kwoko lienyi, yalamba liwe kaali ni mulumbu wenyi. Haze hene meya alusukile. Chikungulwila yanwa ni yimuna jo nawa.

Kwalula 21:6

Yehova yatuma tupela a kahia hakachi ka e atu. O yaasuma. Atu anji a kuli A-Izalele yafwa.

1 Korintu 10:4

eswe anwine kunwa chimuwika cha uspiritu: mumu anwine ku liwe lia uspiritu lize liaakawile, ni liwe lize liapwile Kristu.

Shimbi 1:19

Yitukatuka ku Horepe, yitupalika ndusu puya yeswe yinene yakola woma, yenu nwayimwene, mu jila ya kuya ku chifuchi cha A-Amore ku milundu ngwe atwambile Yehova Zambi yetu. Yituheta ku Kandeshe-Mbania.

Shimbi 32:13

Wamwendesele ha manangamo a hashi. Yamulisa kulia cha ku minda. Yamwaha kushisa wuchi ku liwe. Ku liwe lia utale yamwaha maji.