Shimbi 8:14 - MUKANDA USANDU WA ZAMBI 1975

¹⁴ hanji mbunge jenu mujikazunduka, munukavulama Yehova Zambi yenu wanuchijile mu chifuchi cha Engitu, ku zuwo lia upinji.

Mukanda Wa Zambi 1970

¹⁴ kanyamenu kanda nukalengumuka nikuvulama Mwene Zambi, Zambi yenu, yoze wanuchijile ku chifuchi cha Egiptu kuze nwabwile ndungo.

Shimbi 8:14 Iomraidhean Croise

1 MIANANGANA 14:10

Chamwenemwene hiwakumba Endome mba mbunge ye hiyalifuza. Ulichichimieke nacho, alioze twama ku mahienu. Kuchi te mukalisupa ukalilemeke ukalimbuke, ni yena ni A-Yunda hamuwika?

1 MIANANGANA 17:38

Chikwo nawa kanda nuvulama usendo uze nakolesele ni yenu; kanda nuvwila woma mazambi akwo.

2 Sango Ja Mianangana 26:16

Alioze muze hatakama, mbunge yenyi yiyilifuza alinge uhenge, mba yavulumuna Yehova Zambi yenyi. Yanjila mu tembele ya Yehova akoche insensu ha chilumbilo cha insensu.

2 Sango Ja Mianangana 32:25

Alioze Hezekia kakundulwile kuli Zambi nawa nikulita ni chipema chize hamulinga. Mbunge yenyi yiyilifuza, kashika ufwatulo wejile hali iye ni ha Yunda ni Yerusaleme.

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Miaso (Masamu) 78:7

Hanga akasele kutalatala cho muli Zambi, nikuvulama yitanga ya Zambi ka, alioze akafunge shimbi jenyi.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 23:27

O kakuzanga kuvulamisa atu jami jina liami ni yilota yize akuliawila, chizechene ngwe tulamba two avulamine jina liami mumu hali Mbale.

Daniel 11:12

Muze hakwata che chihuji, mbunge yenyi muyikazunduka, mba makanunguna makumi a tununu, hindu kechi kakumba.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Kwalula 15:39

Jikapwe sapo kuli yenu hanga ha kutalaho nukewuluke maliji eswe a shimbi ja Yehova, nukaalinge, kuchina munukaula mbunge ja yenwene ni meso ja yenwene, yenayo nwakukaula ni kulinga ukoi.

Shimbi 13:6

Kachi yayenu, hanji mwanakwenu, ana ja noko, hanji ana je a malunga, hanji ana je a mapwo, hanji pwo lie wamuzanga, hanji sepa lie wamuzanga ngwe mbunge ya yena mwene, makusongojola ku tenga ngwenyi, Tatuye, tuvumbike tuzambi tweka, yena kwatunyingikine, ni yena, chipwe akakenu;

Shimbi 17:20

kuchina mbunge yenyi muyilifuza ni atu jenyi, kuchina mahambuluka ku liji lia shimbi nikuya ku chindume, hanji ku chimeso, hanga akokese matangwa jenyi mu wanangana wenyi, neye ni ana jenyi, hakachi ka A-Izalele.

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Shimbi 6:11

ni mazuwo a tò ni yuma yeswe yipema enu kunwaazalishile, ni mashima a kutota enu kunwaatotele, ni minda ya uva ni mitondo ya olevwe enu kunwayitumbile; munulia ni kukuta,

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Shimbi 8:13

ha kwoka cha ngombe jenu ni yimuna jenu, ha kwoka cha prata ni oru jenu, ha kwoka cha yeswe nuli nayo,

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.