Shimbi 8:1 - MUKANDA USANDU WA ZAMBI 1975

¹ Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Mukanda Wa Zambi 1970

¹ “Fungenu kanawa Shimbi jeswe jize hinanulongesa musono, hanga nubwe ni mwono, hanga nwoke kuhiana, ni kuzuka chifuchi chize Mwene Zambi alakenyene tushakulu twenu.

Shimbi 8:1 Iomraidhean Croise

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 5:32

Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.