Shimbi 7:9 - MUKANDA USANDU WA ZAMBI 1975

⁹ Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Mukanda Wa Zambi 1970

⁹ Kashika iwulukenu ngwenu, Mwene Zambi, Zambi yenu, kali Zambi wika, kali mukwa kushishika. Kumakafunga Usendo wenyi uze akolesele ni Aisraele ni kulweza zango lienyi kuli tununu twa yisemuko a kuli waze akumuzanga ni akufunga Shimbi jenyi.

Shimbi 7:9 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 9:15

Chocho mungwiwuluka usendo wami uze uli hakachi ka yami ni yena ni akwa mwono eswe a musunya weswe, mba meya kechi kapwa nawa sanga akanongese musunya weswe.

1 Yitanga Ya Mianangana 8:23

ngwenyi, Yehova, Zambi ya Izalele kukushi niumwe Zambi ngwe yena chipwe mwilu chipwe hashi. Kuwakufunga usendo ni utu wa zango ni tuvumbi twe waze akwenda kumeso je ni mbunge jo jeswe.

1 Sango Ja Mianangana 16:15

Iwulukenu usendo wenyi ku miaka ya mutolo; iwulukenu liji lize ambile ndo ku kanunu ka yisemuko.

2 Sango Ja Mianangana 6:14

Ngwenyi, Yehova, Zambi ya Izalele, kukushi niumwe Zambi ngwe yena chipwe mwilu, chipwe hashi. Kuwakufunga usendo ni utu wa zango ni tuvumbi twe, waze akwenda kumeso je ni mbunge jo jeswe.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Miaso (Masamu) 103:18

kuli waze akufunga usendo wenyi, ni waze akwiwuluka shimbi jenyi kujilinga.

Miaso (Masamu) 105:8

Iye kakwiwuluka usendo wenyi ku miaka ya mutolo; kakwiwuluka liji lize ambile ndo ku kanunu ka yisemuko.

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 36:6

Ululi we wapwa ngwe milundu yisuku. Upatwilo we wapwa ngwe yimwe jondo yinene. Yena Yehova wakulamwina ni atu ni tushitu.

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Lungungu 3:23

Yakupwa yaha tangwa ha tangwa; uli wa jika liakulu.

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

1 Korintu 1:9

Zambi keshi kwalumuka, kuli iye hananutambika ku kuliendela cha Mwanenyi Yesu Kristu Mwene wetu.

1 Korintu 10:3

Eswe alile kulia chimuwika cha uspiritu;

1 Korintu 8:3

alioze kachi umwe mazanga Zambi, iye kanamunyingika kuli Zambi.

2 Korintu 1:18

Alioze ni umwenemwene wa Zambi, liji lietu kuli yenu kulishi kupwa ewa ni ka.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 4:35

Anulwezelecho yenu, hanga nunyingike ngwenu, Yehova iye Zambi. Wakuhi weka shina iye wika.

Shimbi 4:39

Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

Shimbi 5:10

nikulweza utu wa zango kuli tununu twa waze akunguzanga, kuli waze akufunga shimbi jami.

1 Tesalonika 5:24

Mukwa kunutambika wamwenemwene, iye kumakachilinga.

2 A-TESALONIKA 3:3

Alioze Mwene wamwenemwene, mwenawo kumakanujikijisa, makanufunga ku yipi.

2 Timoteu 2:13

Kachi yetu hi tuli amwenemwene ko, iye katwama wamwenemwene; mumu kahashile kulikala mwene.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 11:11

Ku Ufulielo chipwe Sara mwene watambwile tachi ja kuseseka ufumba muze te hapalika mwaka, se wamunyongene wamwenemwene yoze walakenyene:

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.

Akwa Kuyula 2:1

Mba mungelo wa Yehova yakatuka ku Ngilingali yaya ku Mbokimi. Yamba ngwenyi, Nanuchijile ku Engitu; yingunu-neha ku chifuchi chino nalakenyene ni shingo kuhana kuli tulamba twenu. Yingwamba ngwami, Chichi kutangula usendo hakachi ka yenu ni yami.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.