Shimbi 7:8 - MUKANDA USANDU WA ZAMBI 1975

⁸ Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

Mukanda Wa Zambi 1970

⁸ Alioze Mwene Zambi yanuzanga, yazanga nawa kufunga chilakenyo chize alakenyene kuli tushakulu twenu. Mba yanulamwina ni ndundo jenyi, yanutusula mu undungo kuli mwanangana wa Egiptu.

Shimbi 7:8 Iomraidhean Croise

Ubutukilo 19:16

Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo.

Ubutukilo 19:29

Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.

2 Samuel 22:20

Wangutuhwishile ndo ku chihela chinene nawa. Wangupulwile mumu wawahililile muli yami.

1 Yitanga Ya Mianangana 10:9

Yehova Zambi ye akafumane, yoze wevwile kuwaha ni yena, wakusele ha ngunja ya Izalele. Yehova wazangile A-Izalele ku miaka ya mutolo, kashika wakupwishile mwanangana ukapatwile ni ululi.

1 Sango Ja Mianangana 16:16

Usendo uze akolesele ni Apalahama, ni liji lienyi lia kulishinga kuli Izake.

2 Sango Ja Mianangana 9:8

Yehova Zambi ye akafumane yoze wevwile kuwaha ni yena, wakusele ha ngunja yenyi ukapwe mwanangana wa Yehova Zambi ye. Zambi ye wazangile A-Izalele; wafupile kwakolesa ndo ku miaka ya mutolo, kashika wakupwishile mwanangana wo ukapatwile ni ululi.

Miaso (Masamu) 105:42

Mumu wewulukile liji lienyi lisandu ni Apalahama kavumbi kenyi.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Miaso (Masamu) 44:4

Yena uli mwanangana wami kanda Zambi yami. Tuma kama ulamwino kuli Yakomba.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 32:13

Iwuluka kama tuvumbi twe Apalahama, ni Izake, ni Izalele, kuli wano yena walishingile ni shingo ngwe, Kumungwokesa ana jenu ngwe matongonoshi a malilu. Chifuchi chino cheswe hinamba, kumungukachihana kuli ana jenu. O kumakachipita ndo ku miaka ya mutolo.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Izaya 43:4

Mumu wapwile wa kuzanga kumeso jami, ni mulemu, nakuzangile, kashika nasumbakenyene malunga kukulanda, nahanyine mavungu ha kulamwina mwono we.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Jeremia 31:3

Yehova wasolokele kuli ayo nikukatuka kusuku. Hinanuzanga ni zango lia mutolo, kashika hinakukoka ni utu wa zango.

Ezekiel 36:22

Kashika amba kuli akwa munyachi wa Izalele ngwe, Mwene Yehova kanambe ngwenyi, Enu akwa munyachi wa Izalele, chambile kulinga yuma yino haliapwila mumu hali yenu, alioze ha mukunda wa jina liami lisandu yenu hinwalijilula hakachi ka mavungu kuze nwayile.

Mika 6:4

Nanuchijile ku chifuchi cha Engitu, nikunukula ku zuwo lia upinji. Natumine Mose, ni Arone, ni Miriame kunutetekela.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Malaki 1:2

Yehova kanambe ngwenyi, Kunakuzanga. Alioze yenu nunambe ngwenu, Wafuzanga kuchi? Yehova kanambe ngwenyi, Esau kapwile yayo ya Yakomba nyi? Hindu kunazanga Yakomba

Mateu 11:26

Ewa, Tata, mumu chocho chakupemenene.

Luka 1:55

Kuli Apalahama, ni kuli munyachi wenyi ndo ku miaka ya mutolo (chizechene ngwe ahanjikile kuli tulamba twetu).

A-ROMA 11:28

Ha kutwala ku sango lipema, kanapu akwa kole mumu hali yenu: alioze ha kutwala ku kutongola cha Zambi, kanaazange chikolo mumu hali tulamba.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 10:15

Alioze Yehova wawahililile muli tulamba twenu, nikwazanga. Yatongola ana jo kulutwe lio, te yenwene hakachi ka mavungu eswe ngwe chinapu musono.

Shimbi 23:6

Kanda nufupa apwe ni sambukila, chipwe hanga awahe matangwa jenu eswe a mutolo.

Shimbi 33:3

Chamwenemwene kazanga atu jenyi. Asandu jenyi eswe ali mu kwoko lie. Eswe kakutwama ku molu je. Kakutambula maliji je.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 4:37

Mba se iye wazangile tulamba twenu, yanutongola yenu ana jo kulutwe lio. Yanuchiza ku Engitu iye mwene te kwali hakachi kenu, ni tachi jenyi jinene,

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

1 Yoano 4:19

Yetu twakuzanga, mumu iye waliangile kutuzanga.

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.