Shimbi 7:7 - MUKANDA USANDU WA ZAMBI 1975

⁷ Yehova kasele zango lienyi hali yenu, chipwe kunutongola mumu te nwahianyine kwoka hakachi ka mavungu, mumu nwapwile akepekepe ku mavungu eswe.

Mukanda Wa Zambi 1970

⁷ “Mwene Zambi kanuzangile ko hanji kanutongwele ko mumu nuli anji kuhiana atu akwo; nwabwile vungu likepe kuhiana hano hashi.

Shimbi 7:7 Iomraidhean Croise

1 Sango Ja Mianangana 16:19

Shimbu te achili atu akehe ha kwaalula; ewa achili te akehe chikolo, njize mu chifuchi.

Miaso (Masamu) 105:12

Shimbu te achili atu akehe ha kwaalula. Ewa, achili te akehe chikolo, njize mu chifuchi.

Miaso (Masamu) 105:6

enu munyachi wa Apalahama kavumbi kenyi, enu ana ja Yakomba a kutongola.

Miaso (Masamu) 115:1

Yehova, hi yetu ko, hi yetu ko machichimieka, alioze jina lie linene, mumu ha utu wa zango lie ni umwenemwene we.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Ezekiel 36:22

Kashika amba kuli akwa munyachi wa Izalele ngwe, Mwene Yehova kanambe ngwenyi, Enu akwa munyachi wa Izalele, chambile kulinga yuma yino haliapwila mumu hali yenu, alioze ha mukunda wa jina liami lisandu yenu hinwalijilula hakachi ka mavungu kuze nwayile.

Mateu 7:14

Alioze chikolo chize chatwala ku mwono, chikehe, ni ye jila yikehe, ni waze akuyiwana akehe.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

A-ROMA 9:18

Chocho mevwa keke hali yoze mamupala, ni yoze mamupala mamukalisa.

A-ROMA 9:21

Hanji tengi keshi chiyulo ha uma, ku mwaha umuwika kutanga chikwachilo chimwe ku ulemu ni chikwo ku ulelu?

Shimbi 1:10

Yehova Zambi yenu hananwokesa. Kumanyi musono, kunwapwa mbunga ngwe matongonoshi a mwilu.

Shimbi 10:22

Tulamba twenu yapalumukina ku Engitu, makumi shimbiali a atu, haliapwila Yehova Zambi yenu hananupwisa mbunga ngwe matongonoshi a mwilu.

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 4:37

Mba se iye wazangile tulamba twenu, yanutongola yenu ana jo kulutwe lio. Yanuchiza ku Engitu iye mwene te kwali hakachi kenu, ni tachi jenyi jinene,

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 4:10

Muno mulili zango, kuchapwile ngwe yetu twazangile Zambi, aiioze iye watuzangile yetu, watumine Mwanenyi kupwa kuka ha milonga yetu.