Shimbi 7:6 - MUKANDA USANDU WA ZAMBI 1975

⁶ Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

Mukanda Wa Zambi 1970

⁶ Lingenu chino mumu nuli a mbala a Mwene Zambi, Zambi yenu. Yanutongola hakachi ka atu eswe hano hashi ha kubwa lume atu jenyi.

Shimbi 7:6 Iomraidhean Croise

1 Yitanga Ya Mianangana 3:8

Ni yami kavumbi ke napwa hakachi ka atu je a kusakula; atu anji kechi kuhasa kwasa chinyingi chipwe kwaalula mumu oka naye.

Ezra 9:2

Mumu hambata ana jo a mapwo, hali ene ni hali ana jo. Chocho munyachi usandu hiunalifutula ni akwa yifuchi. Ni e alemu ni akwa kuyula hatetekela mu mulonga uno.

Miaso (Masamu) 114:2

Wapwishile Yunda tembele yenyi; A-Izalele apwile atu jenyi a kwayula.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Miaso (Masamu) 50:5

Ngwenyi, Kungululenu asandu jami kuli yami, waze hanakolesa usendo wa chitapo ni yami.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Izaya 41:8

Alioze yena, kavumbi kami Izalele, ena Yakomba, nakutongwele, mwana wa Apalahama kasendo kami,

Izaya 41:9

ena nakuchijile ku masongo a hashi, nakutambikile ku mbango jisuku, nikwamba kuli yena ngwami, Uli kavumbi kami, nakutongwele, chakumbilile;

Izaya 6:13

Alioze umwe hakachi ka kumi malisalaho, hindu machocha nawa, ngwe mutondo wa terebine, hanji carvalho, uze wahichika chimbunji mu mavu ha kuupakula. Munyachi lisandu che chimbunji.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Jeremia 2:3

Izalele wapwile musandu kuli Yehova, mbuto yitangu ya kucha. Eswe alileko ahile; chipi chaawanyine. Chocho kanambe Yehova.

Ezekiel 20:5

wambe kuli ayo ngwe, Mwene Yehova kanambe ngwenyi, Ha tangwa lize natongwele Izalele nalishingile kuli ana ja munyachi wa Yakomba nikulisolola kuli ayo mu chifuchi cha Engitu. Nalishingile kuli ayo ngwami, Yami nguli Yehova Zambi yenu.

Alevi 20:24

Alioze hingunambe kuli yenu ngwami, Munuhinga chifuchi cho, mungunwahacho nukachizuke, chifuchi kuze kunokela yamwa ni wuchi. Yami Yehova Zambi yenu yoze wanuhandunwine ku mavungu.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Malaki 3:17

Yehova-wa-Tujita kanambe ngwenyi, Kumakapwa ninyami, a kupita ni kulemesa yami mwene ha tangwa lize mungukalinga. Mungukaavwila keke ngwe mutu kakuvwila keke mwanenyi wa lunga yoze wakumuvumbika.

Yilinga 13:17

Zambi ya atu ano A-Izalele watongwele tulamba twetu, waanangamishine muze atwamine njize mu chifuchi cha Engitu, iye ni kwoko lia kwolola waatwalile haze liacho.

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 14:21

Kashitu malifwila mwene kanda munulia, nuchimuhane kuli njize ali mu yihunda yenu, hanga amulie, hanji kumulanjisa kuli kandaka; mumu yenu kunwapwa atu asandu kuli Yehova Zambi yenu. Kanda nuteleka mwana-pembe mu yamwa ya naye.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 26:19

Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.

Shimbi 28:9

Yehova makanukolesa, nukapwe atu asandu kuli iye mwene, ngwe alishingile kuli yenu, kachi munufunga maliji a shimbi a Yehova Zambi yenu, ni kwenda mu majila jenyi.

Shimbi 33:3

Chamwenemwene kazanga atu jenyi. Asandu jenyi eswe ali mu kwoko lie. Eswe kakutwama ku molu je. Kakutambula maliji je.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 4:37

Mba se iye wazangile tulamba twenu, yanutongola yenu ana jo kulutwe lio. Yanuchiza ku Engitu iye mwene te kwali hakachi kenu, ni tachi jenyi jinene,

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

2 Petulu 2:5

Iye kavwilile keke akwa hashi ha shakulu, aiioze wafungile hamwe ni shimbiali akwo, Noe, kanganda ka ululi, muze anehene sanga lia meya hashi hali yitanganyanyi.

2 Petulu 2:9

Mwene kananyingika kupulula akwa kuwayila ku cheseko, ni kufunga yihenge kushi lia lamba ndo ku tangwa lia upatwilo;

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.