Shimbi 7:4 - MUKANDA USANDU WA ZAMBI 1975

⁴ Mumu o makahambulwisa ana jenu a malunga kungukaula yami, hanga akavumbike tuzambi tweka, chocho utenu wa Yehova muukanukasumukina, Yehova makanwonwona nikawashi.

Mukanda Wa Zambi 1970

⁴ Nyi ka, kumaakapiangula ana jenu kuli Mwene Zambi ha kuwayila mazambi eka. Nyi nwachilinga, Mwene Zambi makanutenukina, makanunongesa ha chisuho chimuwika.

Shimbi 7:4 Iomraidhean Croise

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Shimbi 20:18

kuchina manulongesa kwimbulula yizelwokeso yo yeswe, o hanayilingi ku tuzambi two, chocho munuvulumuna Yehova Zambi yenu.

Shimbi 4:26

ngunatambika malilu ni hashi yinushindakenye tangwa lino ngwo, Nikawashi munukakuwa liakulu mu chifuchi munuzauka Yordau kuchizuka. Kunuchi kwokesamo matangwa jenu, alioze munukakuwa liakulu.

Shimbi 6:15

mumu Yehova Zambi yenu yoze uli hakachi kenu iye Zambi ya ukwa, kuchina utenu wa Yehova Zambi yenu muunukasumukina, iye makanukuwisa hashi heswe.

Yoshua 22:15

O yeza kuli A-Rupene, ni A-Ngate, ni chihanda cha ha muchima cha munyachi wa A-Manase mu chifuchi cha Ngiliate, yamba kuli ayo ngwo,

Yoshua 23:12

Mumu nyi munuhilukila kunyima nikulifutula ni mavungu aze asala hakachi kenu nukalimbate no, hanga nukambate mapwo jo, no akambate mapwo jenu,

Akwa Kuyula 2:11

A-Izalele alingile chipi kumeso ja Yehova nikuvumbika Ambale,

Akwa Kuyula 2:20

Kashika utenu wa Yehova wakasumukine hali A-Izalele. Yamba ngwenyi, Mumu wano atu hatangula usendo wami uze natumine tulamba two, chipwe liji liami kaliononokenene,

Akwa Kuyula 3:6

A-Izalele ambachile ana jo a mapwo, nikuhana ana jo a mapwo kuli ana ja malunga ja enya chifuchi. Alingilile mazambi jo.