Shimbi 7:3 - MUKANDA USANDU WA ZAMBI 1975

³ chipwe kanda nulimbata no, kanda nukahangisa malo ana jenu a mapwo kuli ana jo a malunga, chipwe ana jenu a malunga kanda alimbachila ana jo a mapwo.

Mukanda Wa Zambi 1970

³ Kanda nulimbachila no.

Shimbi 7:3 Iomraidhean Croise

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

1 Yitanga Ya Mianangana 11:2

Mavungu aze te Yehova wambile kuli A-Izalele ngwenyi, Kanda nuya hakachi ko, chipwe o kanda akeza hakachi kenu mumu kumakapiangwila mbunge jenu ku mazambi jo. Solomone walalaminyine kuli ayo ni zango.

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

Ezra 10:3

Haliapwila tukolesenu usendo ni Zambi yetu tukalakule mapwo eswe ni ana jo eswe nikulita ni longeso lia yena mwata wami ni waze akuchikima ha shimbi ja Zambi yetu. Tulingenu chuma chino nikulita ni shimbi.

Ezra 9:12

Kashika kanda nuhana anenu a mapwo kuli ana jo a malunga, kanda nutambula ana jo a mapwo hali anenu a malunga. Kanda nufupa sambukila yo chipwe kuwaha cho nilimwe tangwa, hanga nukatakame, nukalie yipema ya chifuchi nukachihichike chihinga kuli ana jenu ndo ku miaka.

Nehemia 10:30

Chikwo nawa ngwetu, Kutuchi kuhangisa anetu a mapwo kuli mavungu a chifuchi chipwe kutambula ana jo a mapwo hali anetu a malunga.

Akwa Kuyula 14:3

Alioze tato ni naye amwambile ngwo, Te kukushi pwo niumwe hakachi ka ana ja usoko we, hanji hakachi ka atu jetu eswe, kashika Chakutamba kuya kufupa pwo kuli wano yilima ja A-Filistea, nyi? Hindu Samasone wambile kuli tato ngwenyi, Ngutambwileye mumu kanangupemena kanawa.