Shimbi 7:26 - MUKANDA USANDU WA ZAMBI 1975

²⁶ Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Mukanda Wa Zambi 1970

²⁶ Kanda nwanda niumwe wa kuli mahamba jo ni kuya no ku mazuwo jenu. Nyi ka, Shingo lize liabwile hali ayo mulikabwa hali yenu. Chatamba kwavutwokela ni kwalelesa, mumu Zambi hanaashingi.”

Shimbi 7:26 Iomraidhean Croise

Izaya 2:20

Ha tangwa lize atu kumakambila ku kolo ni yinguzu mahamba jo a prata ni mahamba jo a oru, aze alingile hanga akaakombelele,

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Izaya 41:24

Kumanyi nuli amokomoko, kunwalingile nichimwe, ni yoze manutongola iye mukwa kuzelwokesa.

Ezekiel 11:18

Mba ha kuhetako makachizamo yuma yize yeswe ya kuvwisa kupiha, ni yuma yeswe ya lwaji.

Ezekiel 14:7

Mumu mutu mweswawo wa munyachi wa Izalele chipwe wa njize aze anatwama mu Izalele, yoze malihandununa ni yami, ni kunjisa mahamba jenyi mu mbunge yenyi, ni kusa chitalingiso cha uhenge wenyi kumeso jenyi, hindu meza kuli profeta akahule yuma yenyi kuli yami, yami mwene Yehova mungumukumbulula.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

A-ROMA 2:22

Yena wakwamba ngwe, Kanda ulinga utanji, yena wakulinga utanji, nyi? Yena wakuvwila kole mahamba, yena wakuhupa matembele, nyi?

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.