Shimbi 7:25 - MUKANDA USANDU WA ZAMBI 1975

²⁵ Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Mukanda Wa Zambi 1970

²⁵ Nukocha mahamba jo, ni prata ni oru yize alingile nayo mahamba, kanda nukayivwila chihilulu. Nyi ka, muyikabwa muheto kuli yenu, mumu Mwene Zambi, Zambi yenu, kakuvutwokela mahamba.

Shimbi 7:25 Iomraidhean Croise

1 MIANANGANA 23:14

Yapalwola tuponya; yateta Ashera nikusalakanyisako yifwaha ya afu.

1 Sango Ja Mianangana 14:12

Yahichikako mazambi jo, mba David yatuma aoche.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Kutuhuka 32:20

Mba yanda mwe mwana-ngombe yoze hamulinga, yamwocha ni kahia nikumufwenya apwe fufuta mba yamulekumwina ha meya nikunwisayo A-Izalele.

Kutuhuka 8:26

Mose yamba ngwenyi, Kuchatele kulinga chocho, mumu yetu mututambula kuli Yehova Zambi yetu yitapo yize muyipihila A-Engitu. Nyi mututambula kumeso ja A-Engitu ya kwapihila kumanyi o kechi kutwasa mawe nyi?

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Izaya 41:24

Kumanyi nuli amokomoko, kunwalingile nichimwe, ni yoze manutongola iye mukwa kuzelwokesa.

Alevi 13:52

Mba uzalo wa wona wa panga hanji wa hina lipema litoma, mawocha, chipwe musongo wapwa mu mutwalo chipwe mu mbandwola, chipwe cheswacho cha kupu, mumu musongo wa mbumba ya mbongola, kashika achoche ni kahia.

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Zefania 1:3

Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.

Shimbi 12:3

Nupuzule yilumbilo yo, nukapuzwole yipinji manguji jo, nwoche ni kahia Ashera jo, nupatule tuponya two twa kusonga twa tuzambi two, nujimiseko majina jo.

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Shimbi 17:1

Kanda nutambula chitapo kuli Yehova Zambi yenu, ngombe hanji panga ukwete chipa, hanji chilonda chimwe, mumu acho kuchapwa chizelwokeso kuli Yehova Zambi yenu.

Shimbi 23:18

Fweto ya chikoi, chipwe ndando ya kawa kanda nuyinjisa mu zuwo lia Yehova Zambi yenu ha chilakenyo nichimwe, mumu te yeswe ni yiali kuyapwa yizelwokeso kuli Yehova Zambi yenu.

Shimbi 27:15

Kashingiwa mutu yoze masonga kaponya, chipwe mazuzulula umwe, chizelwokeso kuli Yehova, yilinga ya moko ja chilangaji, nikumumika ku tenga. Atu eswe até ngwo, Amene.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Shimbi 7:5

Alioze chocho munulinga no. Nukaapuzule yilumbilo yo, nukapuzwole yipinji manguji jo, nukapakule Ashera jo, nukoche ni kahia tuponya two twa kusonga.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

Usolwelo 17:5

Ni ha huma lienyi, jina linasonewa ngwo, Chijimbikilo, Babilonia yinene, NAYE YA YIKOI NI YA YIZELWOKESO YA HASHI.