Shimbi 7:24 - MUKANDA USANDU WA ZAMBI 1975

²⁴ Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

Mukanda Wa Zambi 1970

²⁴ Makakunjika mianangana kuli yenu; mba munukaashiha, munukaakuwisa. Niumwe kechi kanukwika, munukaanongesa eswe.

Shimbi 7:24 Iomraidhean Croise

Miaso (Masamu) 9:5

Hiunakanjisa mavungu; hiunonwona yingulungulu; hiunajimuna majina jo ku miaka ya mutolo.

Kutuhuka 17:14

Yehova yamba kuli Mose ngwenyi, Soneka chino mu mukanda hanga chikapwe Chiwulwiso, uchitange kuli Yoshua, mumu kumungukajimuna jimu A-Amaleke; kechi kwaewuluka nawa hashi.

Yishima 10:7

Kwiwuluka mukwa ululi kuwahacho, alioze jina lia chingulungulu kumulikapola.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Zefania 1:4

Mungukolola kwoko liami kulimika ni Yunda ni kulimika ni akwa Yerusaleme eswe. Mungukateta masalila ja Mbale kuma kwo kuno, ni lie jina lia asasendote ja mahamba,

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

1 Korintu 15:57

alioze tusakwilenu kuli Zambi, yoze wakutwaha kukumba ku tachi ja Mwene wetu Yesu Kristu.

Shimbi 11:25

Kukuchi kupwa mutu niumwe makamana kumeso jenu; Yehova Zambi yenu masa woma wenu ni mwongo wenu ha chifuchi cheswe munukaliataho, ngwe iye wambile kuli yenu.

Shimbi 25:19

Kashika ngwami, Muze hanuhwimisa kuli Yehova Zambi yenu kuli akwa kole jenu eswe ananujingilika, mu chifuchi Yehova Zambi yenu ananwehecho, chikapwe chihinga, nukachizuke, kanda nuvulama kujimuna jina lia Amaleke kwishi lia lilu.

Shimbi 29:20

Yehova kechi kamukonekena, alioze hohene utenu wa Yehova ni ukwa wenyi muukafwinjila mwishi yoze lunga, shingo lieswe linasonewa mu mukanda uno mulikamushata, Yehova makajimuna jina lienyi mushi lia lilu.

Shimbi 9:14

Ngweche, ngwaonwone, ngujimune jina lio kushi lia lilu. Mungukupwisa vungu lia kwahiana ni ndundo ni unene.

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.

Yoshua 10:23

Chocho yalinga. Yachiza mu chivwenge e mianangana atano nikwaneha kuli iye, mukwo mwanangana wa Yerusaleme, mukwo mwanangana wa Heprone, mukwo mwanangana wa Yaramuta, mukwo mwanangana wa Lakishi, mukwo mwanangana wa Eglone.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.

Yoshua 10:8

Yehova yamba kuli Yoshua ngwenyi, Kanda wavwila woma mumu hinaakunjika mu moko je. Kechi kumana kumeso je, chipwe lunga umuwika.

Yoshua 11:17

chize ku mulundu wa Halaka unakatuka ku Sere ndo ku Mbale-Ngate mu chikulo cha Lebano ku mwanda wa mulundu wa Hermone. Wakwachile mianangana jo eswe nikwalamba nikwashiha.

Yoshua 12:24

ni mwanangana wa Tiriza, umuwika. Kwafutula hamuwika hapwa makumi atatu a mianangana ni mwanangana umuwika.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Yoshua 23:3

Ni yenu hinwamona yuma yize yeswe Yehova Zambi yenu halinga ku mavungu ano eswe mumu hali yenu, mumu Yehova Zambi yenu iye hanwashila jita.

Yoshua 23:9

Mumu Yehova hahuma kumeso jenu mavungu anene a tachi, mba ha kutwala kuli yenu, niumwe hahasa kuhamika ni yenu ndo musono.

Yoshua 6:2

Kashika Yehova yamba kuli Yoshua ngwenyi, Kwamwene! Hinakwaha Yeriku mu kwoko lie hamuwika ni mwanangana wo ni yitakame, akwa hamu.