Shimbi 7:2 - MUKANDA USANDU WA ZAMBI 1975

² ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Mukanda Wa Zambi 1970

² Muze Mwene Zambi, Zambi yenu, haanukunjika atu wano, ni muze hinwaakumba, chatamba kwaashiha eswe. Kanda nukolesa no Usendo hanji kwevwila keke.

Shimbi 7:2 Iomraidhean Croise

Ubutukilo 14:20

Chikwo nawa, Zambi Chitunda akafumane, Iye hanakunjika akwa kole je mu kwoko lie. Mba Apalama yamwaha chihanda chimuwika ha yihanda kumi ya ku yuma yeswe.

2 Samuel 21:2

Mwanangana yasanyika A-Ngibeone. A-Ngibeone kapwile a kuli A-Izalele. O te masalila ja A-Amore. A-Izalele te halikata no ni shingo, alioze Saulu wafupile kwashiha mumu ha kushinjika chikolo ulemu wa A-Izalele ni A-Yunda.

1 Yitanga Ya Mianangana 20:34

Mbene-Hadade yamba kuli iye ngwenyi, Yihunda yize tata watambwile kuli tatenu munguhilwisa, ni yenu munuhasa kulinga matapalo jenu mu Ndamaseku ngwe tata walingile mu Samaria. Mba Ahabe yamba ngwenyi, Ni yami mungukwecha ni usendo uno. Chocho yakolesa nenyi usendo yamwecha.

Ezra 10:3

Haliapwila tukolesenu usendo ni Zambi yetu tukalakule mapwo eswe ni ana jo eswe nikulita ni longeso lia yena mwata wami ni waze akuchikima ha shimbi ja Zambi yetu. Tulingenu chuma chino nikulita ni shimbi.

Miaso (Masamu) 106:34

Konwene nawa mavungu ngwe Yehova waambile.

Kutuhuka 22:20

Yoze matambula kuli kazambi keswako shina Yehova wika, akamwonwone liakulu.

Kwalula 21:2

Izalele yalakenya chilakenyo kuli Yehova ngwo, Nyi chamwenemwene mukunjika mu kwoko liami wano atu, mba yami kumungwonwona liakulu membo jo.

Kwalula 31:17

Kashika, haliapwila, shihenu malunga eswe hakachi ka ana akepe, shihenu mapwo eswe hapomba ni malunga.

Kwalula 33:52

henaho nukahume kumeso jenu atu eswe atwama mu chifuchi, nukonwone mawe jo a kutota, nukonwone tuponya two twa kuzuzulula, nukapuzule manangamo jo eswe.

Shimbi 13:8

kanda uta kuli iye, chipwe kanda umupanjika, chipwe liso lie kanda Umuvwila keke, kanda umutelela, chipwe kanda umusweka;

Shimbi 13:9

umushihe lume. Kwoko lie Upwe Utangu kumushiha, mba kukaula, moko ja atu eswe.

Shimbi 19:13

Meso jenu kanda amuvwila keke, alioze manyinga a mukwa kusamba nukaakatwise mu Izalele, hanga nutwame kawape.

Shimbi 2:33

Yehova Zambi yetu yamukunjika kumeso jetu, yitumulamba ni ana jenyi a malunga ni atu jenyi eswo

Shimbi 2:34

Yitulwa membo jenyi eswe ha mwaka uze. Yitwonwona liakulu membo eswe, ni malunga, ni mapwo, ni ana akepe. Kutwalajhichikile niumwe, chipwe umuwika, ka.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Shimbi 25:12

numutete kwoko, meso jenu kanda evwa keke.

Shimbi 3:3

Chocho Yehova Zambi yetu yakunjika mu moko jetu ni Oge nawa, mwanangana wa Mbashane, ni atu jenyi eswe, yitumulamba ndo kukwapwile mutu unamusalila.

Shimbi 31:5

Yehova makaakunjika kumeso jenu, munukalinga kuli ayo nikulita ni liji lieswe lia shimbi hingunanwambelio.

Shimbi 33:27

Zambi ya mutolo iye chiswamo che mba kushi kwatwama moko a mutolo. Iye makahuma akwa kole kumeso je mamba ngwenyi, Aonwonenu.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 10:30

Yehova yachikunjika mu moko ja A-Izalele hamuwika ni mwanangana wako. Atu eswe atwamamo yaalamba ni katana, niumwe wasala wakuhi. Kuli mwanangana wako yalinga chizechene ngwe halinga kuli mwanangana wa Yeriku.

Yoshua 10:32

Yehova yakunjika Lakishi mu moko ja A-Izalele. Yachitambula ha tangwa liamuchiali, yachilamba ni katana, ni atu eswe apwilemo, chizechene ngwe halinga ku Libna.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.

Yoshua 11:8

Yehova yaakunjika mu moko ja A-Izalele. O yaalamba, yaahanga ndo ku Sendone munene ni Miserefote-maime, ni ku Chivumbuko ndo ku chikulo cha Mizepa. Yaashiha, kahichikile chipwe katotamukele.

Yoshua 2:14

Malunga ambile kuli iye ngwo, Nyi kuchi kusolola milimo yino ya yetu mututumbika mwono wetu ha mwono we, ngwetu, muze Yehova matwaha che chifuchi mutulinga ni yena ni vumbi ni umwenemwene.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.

Yoshua 8:24

Muze A-Izalele hamana kushiha akwa Ayi ku puya kuze aakawile ndo mwe wasula hafwa ni katana, mba A-Izalele yahilukila chihunda cha Ayi nikuchipupa ni katana.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Yoshua 9:7

Alioze malunga a Izalele yamba kuli A-Hevwe ngwo, Hanji nwatunga he hakachi ketu, nyi chocho kuchi mutukolesa usendo ni yenu?

Akwa Kuyula 1:24

Ngendeshi yamona lunga kanakatuka ku chihunda. Yamba kuli iye ngwo, Utulweze jila ya kunjila mu chihunda mba mutukulinga vumbi.

Akwa Kuyula 1:4

Henaho A-Yunda yakanduka mba Yehova yakunjika A-Kanana ni A-Perize mu moko jo. Kumi lia tununu aakumbile ku Mbezeke.

Akwa Kuyula 2:2

Ni yenu kunuchi kukwata usendo ni akwa chifuchi chino. Munupuzula yilumbilo yo. Alioze kunwononokene ku shimbi jami. Chino nwalinga, chika?