Shimbi 7:19 - MUKANDA USANDU WA ZAMBI 1975

¹⁹ yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.

Mukanda Wa Zambi 1970

¹⁹ Iwulukenu misongo yibi ya akwa Egiptu, ni yilayi, ni yikomokeso, ni ndundo ja Mwene Zambi, Zambi yenu, jize anutuhwishile najo. Ngwe chize anongesele akwa Egiptu, Chenacho nawa makanongesa atu wano nunevwila woma musono.

Shimbi 7:19 Iomraidhean Croise

Miaso (Masamu) 136:12

Wachilingile ni kwoko lia tachi, ni kwoko lia kuzoza; mumu utu wa zango lienyi wa mutolo.

Miaso (Masamu) 44:4

Yena uli mwanangana wami kanda Zambi yami. Tuma kama ulamwino kuli Yakomba.

Miaso (Masamu) 77:12

Mungupukuna nawa ha milimo ye yeswe, nikunyonga ha yitanga ye.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Shimbi 29:3

Meso jenu amwene yeseko yinene, ni yilayi, ni yikomokeso yize yinene.

Shimbi 3:21

Nambile Yoshua ha mwaka uze ngwami, Meso jenu hanamono yeswe alingile Yehova Zambi yenu kuli mianangana wano aali. Yehova alinge chizechene ku mawanangana eswe muze munuzauka.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Yoshua 10:25

Yoshua yamba kuli ayo ngwenyi, Kanda nwivwa woma hanji mwongo. Takamenu, hamukenu, mumu chocho Yehova malinga kuli akwa kole jenu eswe waze nwalinwa no.

Yoshua 24:17

mumu Yehova Zambi yetu iye watuchijile ku chifuchi cha Engitu ku zuwo lia upinji, ni yetu ni tulamba twetu. Iye walingile yipupu yize yinene kumeso jetu nikutufunga jila yeswe twendelele ni hakachi ka mavungu eswe muze twapalikile.

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.