Shimbi 7:17 - MUKANDA USANDU WA ZAMBI 1975

¹⁷ Kachi yenu munwamba mu mbunge jenu ngwenu, Mavungu hoka, anatuhiana yetu. Ngwe kuchi mutuhasa kwatambula chifuchi?

Mukanda Wa Zambi 1970

¹⁷ “Kanda nulihanjikisa ngwenu, atu wano ahiana naye kwoka, kutwahashile kwahanga.

Shimbi 7:17 Iomraidhean Croise

Izaya 14:13

Yiwamba mu mbunge ye ngwe, Mungukanduka ku malilu; mungusa ngunja yami helu lia matongonoshi a Zambi; mungutwama ha mulundu wa chikungulwila kuze kanda ku Norte.

Izaya 47:8

Kashika panjika chuma chino, ena wakuzanga chiseke, watwama ngú. Unambe mu mbunge ye ngwe, Yami nguli, mba kukushi mukwo. Chichi kutwama tuliwa, hanji kunyingika kufwisa ana.

Izaya 49:21

Henaho muwamba mu mbunge ye ngwe, Iya wangusemenene wano? Ami napwile tuliwa kanda mumba. Napwile mu chifuchi chisuku, wa kulakula, mba iya walelele wano? Ami napwile ukawami; wano kulihi akatukile?

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Kwalula 13:32

O yahetesa kuli A-Izalele lusango mupi wa che chifuchi chize asembwile ngwo, Chifuchi chize twendesele nikuchisembula, kuchakumanuna atu aze atwamamo. Aze atu eswe twamwene kapwa asuku chikolo.

Kwalula 21:34

Yehova yamba kuli Mose ngwenyi, Kanda umuvwila woma, mumu hinamukunjika mu kwoko lie, ni atu jenyi eswe, ni chifuchi chenyi. Yena ulinge kuli iye chizechene ngwe walingile kuli Sahone, mwanangana wa A-Amore, yoze Watwamine ku Heshebone.

Kwalula 33:53

Nukazuke che chifuchi, nukatwamemo, mumu hinachihana kuli yenu kuchizuka.

Luka 9:47

Muze Yesu amwene kulihangulula cha mbunge jo, wanjile mwana mukepe, wamutumbikile ku lumbu lienyi.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 15:9

Kanyamenu, kanda lipwa mu mbunge jenu nyonga ha uzazali ngwenu, Mwaka wamuchishimbiali, we mwaka wa kutusula unahete, meso jenu mapwa api kuli mukwenu chiswale, mba kunuchi kumwaha nichimwe, iye nikuteta kuli Yehova mumu hali yenu, muchipwa mulonga kuli yenu.

Shimbi 18:21

Kachi munwamba mu mbunge jenu ngwenu, Kuchi mutunyingika liji kalihanjikile kuli Yehova?

Shimbi 8:17

Kuchina munwamba mu mbunge jenu ngwenu, Ngolo jetu ni ndundo ja moko jetu yinatuzukisa upite uno.

Yoshua 23:3

Ni yenu hinwamona yuma yize yeswe Yehova Zambi yenu halinga ku mavungu ano eswe mumu hali yenu, mumu Yehova Zambi yenu iye hanwashila jita.