Shimbi 7:16 - MUKANDA USANDU WA ZAMBI 1975

¹⁶ Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Mukanda Wa Zambi 1970

¹⁶ Nukanongesa mavungu eswe waze Mwene Zambi, Zambi yenu, makakunjika kuli yenu, kanda nukevwila keke. Kanda nukawayila mazambi jo, nyi ka, maakabwa muheto kuli yenu.

Shimbi 7:16 Iomraidhean Croise

Miaso (Masamu) 106:34

Konwene nawa mavungu ngwe Yehova waambile.

Miaso (Masamu) 106:36

Avumbikile tuponya two, necho chalumukine kambwila kuli ayo.

Kutuhuka 23:33

Kanda akatwama mu chifuchi chenu kuchina manuvulumwisa mu yuma yami. Mumu nyi munulingila tuzambi two, chamwenemwene kumuchikapwa kambwila kuli yenu.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Kwalula 33:55

Alioze kachi kunuchi kahuma akwa chifuchi kumeso jenu, henaho atu a kuli ayo, waze munukatayiza kutwama, makapwa ngwe misongolwela mu meso jenu, ngwe mbimbo mu malumbu jenu, kumakanupinjisa mu chifuchi muze munukatwama.

1 Korintu 15:33

Kanda nulionga, Usepa upi kuwakupihisa ndako jipema.

Shimbi 13:8

kanda uta kuli iye, chipwe kanda umupanjika, chipwe liso lie kanda Umuvwila keke, kanda umutelela, chipwe kanda umusweka;

Shimbi 13:9

umushihe lume. Kwoko lie Upwe Utangu kumushiha, mba kukaula, moko ja atu eswe.

Shimbi 19:13

Meso jenu kanda amuvwila keke, alioze manyinga a mukwa kusamba nukaakatwise mu Izalele, hanga nutwame kawape.

Shimbi 19:21

Meso jenu kanda evwa keke, mwono ni mwono, liso ni liso, lizo ni lizo, kwoko ni kwoko, kulu ni kulu.

Shimbi 25:12

numutete kwoko, meso jenu kanda evwa keke.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Shimbi 7:25

Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Yoshua 11:20

Mumu Yehova wachilingile kukalisa mbunge jo akase jita ni A-Izalele hanga akaanongese liakulu. Kawanyine keke. Aajimine chizechene ngwe Yehova watumine Mose.

Akwa Kuyula 2:12

nikwehuka Yehova, Zambi ya tulamba two yoze waachijile ku chifuchi cha Engitu. Akawile mazambi akwo hakachi ka mazambi a mavungu aajingilikile. Ahetamine kuli ayo nikwihia Yehova.

Akwa Kuyula 2:3

Kashika haliapwila ngwami, Chichi kwahuma kumeso jenu alioze malumuka akwa kulimika ni yenu, ni mazambi jo mapwa makambwila kuli yenu.

Akwa Kuyula 3:6

A-Izalele ambachile ana jo a mapwo, nikuhana ana jo a mapwo kuli ana ja malunga ja enya chifuchi. Alingilile mazambi jo.

Akwa Kuyula 8:27

Ngideone walingile nayo efode, yayisa mu chihunda chenyi mu Ofra. Mba A-Izalele eswe akawile chuma chize ngwe ukoi. Chalumukine kambwila kuli Ngideone ni kuli usoko wenyi eswe.