Shimbi 7:15 - MUKANDA USANDU WA ZAMBI 1975

¹⁵ Yehova makachiza kuli yenu kuyiza cheswe, kechi kusa hali yenu misongo yipi niyimwe ya Engitu nwayinyingikine, alioze makayisa hali eswe manuvwila kole.

Mukanda Wa Zambi 1970

¹⁵ Mwene Zambi makanufunga ku misongo yeswe; kechi kanwaha yimwe misongo yize nwabwile nayo mu chifuchi cha Egiptu, alioze makayihana kuli akwa kole jenu eswe.

Shimbi 7:15 Iomraidhean Croise

Miaso (Masamu) 91:10

Chipi nichimwe kuchichi kukukwata, chilungo nichimwe kuchichi kukundama ku mbalaka ye.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Kutuhuka 9:11

E yimbanda kahashile kumana kumeso ja Mose mumu ha mahute, mumu mahute apwile hali e yimbanda, ni hali A-Engitu eswe.

Shimbi 28:27

Yehova makanulamba ni yivunda ya Engitu, ni hute, ni katoma, ni mukule, kechi kahasa kunuwukayo.

Shimbi 28:60

Iye makaneha nawa kuli yenu misongo yeswe ya Engitu, nwayivwilile woma, muyikakwata kuli yenu.

Shimbi 30:7

Yehova Zambi yenu makasa mashingo ano eswe hali akwa kole jenu, hali eswe ananuvwila kole, anuhungumionene.