Shimbi 7:13 - MUKANDA USANDU WA ZAMBI 1975

¹³ Iye manuzanga yenu, makanuwahisa, makanwokesa. Iye makawahisa nawa ana a ku mijimba yenu, ni mbuto yakusoka ha mavu jenu, ni mbuto yenu, ni vinyu yenu, ni maji jenu, ni kwoka cha yimuna jenu, ni ana ja mapanga jenu, mu chifuchi alishingile iye kuli tulamba twenu kunwahacho.

Mukanda Wa Zambi 1970

¹³ Makunuzanga ni kunuwahisa, hanga nukoke ni kubwa ni ana anji. Makawahisa mihuko yenu ya mu minda hanga nukabwe ni mbuto, ni vinyu, ni maji a olive. Makanuwahisa ha kunwaha ngombe ni mapanga anji. Makanwaha yiwape yino yeswe mu chifuchi chize hanalakenya kuli tushakulu twenu.

Shimbi 7:13 Iomraidhean Croise

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Jobe 1:10

Ngwami, Hiwamushichila chipanga cha kumufunga sali ni sali, ni zuwo lienyi, ni upite wenyi weswe. Hiwawahisa milimo ya moko jenyi, ni yikumba yenyi yoka mu chifuchi.

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Miaso (Masamu) 107:38

Kakwawahisa nawa akaliokese chikolo. Chipwe yimuna jo kechi kwatayiza katepuluka.

Miaso (Masamu) 11:7

Yehova mukwa ululi kakuzanga ululi; meso jenyi kakutala mukwa ululi. Kuli Njimba mukwa lutwe. Ha Sheminite. Samu lia David.

Miaso (Masamu) 127:3

Ana kapwa chihinga cha kuli Yehova. Kuseseka cha mu jimo kwononona chenyi.

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Yishima 10:22

Chiwape cha Yehova kuchakupichisa, ni kechi kuwezako chinyengo.

Yishima 15:9

Ndako ja chingulungulu japwa chizelwokeso kuli Yehova; alioze kakuzanga mukwa kukaula ululi.

Alevi 26:9

Mungununyonga; mungunupwisa semi; mungunwokesa. Mungukolesa usendo wami ni yenu.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 16:27

mumu Tata iye mwene kananuzange, mumu hinunanguzange, hinunafuliela ngwe nakatukile kuli Tata.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 28:1

Nyi munupanjika kanawa ku liji lia Yehova Zambi yenu, ni kukanyama kulinga maliji jenyi eswe a shimbi ngunanwambe musono, mba Yehova Zambi yenu makanunangamisa helu lia mavungu eswe hano hashi.

Shimbi 28:11

Yehova makanuwahisa ni yikumba, ni ana a mijimba yenu, ni ana a yimuna jenu, ni mbuto ya mavu jenu, mu chifuchi chize Yehova walishingile kuli tulamba twenu kunwahacho.

Shimbi 30:5

Yehova Zambi yenu makanuhetesa mu chifuchi chapwile cha akakenu, nukachizuke, makanulinga yipema, makanwokesa, munukapwa anji, akakenu akehe.

Shimbi 7:7

Yehova kasele zango lienyi hali yenu, chipwe kunutongola mumu te nwahianyine kwoka hakachi ka mavungu, mumu nwapwile akepekepe ku mavungu eswe.