Shimbi 7:10 - MUKANDA USANDU WA ZAMBI 1975

¹⁰ eswe akunuvwila kole iye kakwafwetesa ku meso jo, mukwaonwona. Iye kechi kalalukila yoze mamuvwila kole, makamufwetesa ku meso jenyi.

Mukanda Wa Zambi 1970

¹⁰ Alioze kechi kashimbula ha kumwesa lamba atu waze keeshi kumwononokena.

Shimbi 7:10 Iomraidhean Croise

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Yishima 11:31

Mukwa ululi mamukundulula hano hashi; mba kuhiana mafwetesa chingulungulu ni chivulumunyi!

Izaya 59:18

Makaafwetesa nikulita ni yitanga yo, ufwatulo kuli akwa kulimika nenyi, fweto kuli akwa kole jenyi. Kuli akwa mbaka mahana fweto yo.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Nahume 1:2

Yehova iye Zambi ya ukwa, mukwa kukala milonga. Yehova mukwa kukala milonga ni ufwatulo. Yehova kakufwetesa akwa kulimika nenyi; akwa kole jenyi kakwatulikila ufwatulo wenyi.

Kwalula 10:35

Muze we mushete wakatukile Mose wambile ngwenyi, Yehova, ukatuke. Akwa kole je amwangane. Akwa kukuvwila kole achine kumeso je.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Shimbi 32:41

Nyi munguhela katana kami ka uhenya nikukwata ku upatwilo, kumungulikala hali akwa kulimika ni yami mungufweta waze akunguvwila kole.

Shimbi 5:9

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Shimbi 7:11

Enu, kashika, nufunge liji lia shimbi, ni yiyulo, ni upatwilo ngunanwambeyo musono, mukuyilinga.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,