Shimbi 6:7 - MUKANDA USANDU WA ZAMBI 1975

⁷ nukaalongese kanawa kuli ana jenu, nukaatenge pande ha ku! wama mu mazuwo jenu, ha kwenda mu jila, ha kupomba chenu, ha kuhinduka chenu.

Mukanda Wa Zambi 1970

⁷ Jilongese ana je. Ujitenge pande muze unatwama mu zuwo lie, hanji kweswako uli, muze muhwima hanji muze muulinga milimo.

Shimbi 6:7 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Jobe 8:10

Kechi kukulongesa? Kechi kukulumbunwina ni kukwaha maliji a ku yinyingi yo?

Miaso (Masamu) 119:13

Hinambujola ni mivumbo yami upatwilo weswe wa mu kanwa lie.

Miaso (Masamu) 119:46

Munguvuluka Shindakenyo je kumeso ja mianangana nawa; chichi kwivwa sonyi.

Miaso (Masamu) 129:8

Chipwe akwa kupalika kechi kwamba ngwo, Uwape wa Yehova ukapwe hali yena; tunakuwahisa mu jina lia Yehova.

Miaso (Masamu) 37:30

Kanwa lia mukwa ululi kuliakuhana mana, limi lienyi kuliakuhanjika chiyulo.

Miaso (Masamu) 71:17

Yena Zambi wangulongesele chize ku wanuke wami; mba kushi nambujolele yitanga ye ya kukomwesa.

Yishima 10:21

Mivumbo ya mukwa ululi kuyakulisa anji; alioze yihepuke kakufwa mumu keshi mbunge.

Yishima 15:2

Limi ha mukwa mana kuliakuhanjika yinyingi kanawa; ahoze kanwa ha chihepuke kuliakulusuka uhepuke.

Yishima 15:7

Mivumbo ya mukwa mana kuyakuhana yinyingi; mbunge ya chihepuke, ka.

Yishima 6:22

Muze muwenda muyikusongwela. Muze mupomba tulo muyikulayila. Muze mulaula muyihanjika ni yena.

Izaya 38:19

Wa mwono mwe wa mwono kakukusakwila, chize yami ngunalingi musono. Mutu kakulumbunwina mwanenyi umwenemwene we.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Luka 6:45

Mutu mupema ku upite upema wa mbunge yenyi masolola yipema, ni chingulungulu ku upite wa ungulungulu wa mbunge yenyi masolola ungulungulu; mumu ku kulumbama cha mbunge kanwa mulihanjika.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Efesu 6:4

Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.

Shimbi 11:19

Nukaalongese kuli ana jenu ni kwatenga pande ha kutwama mu mazuwo jenu, ni ha kwenda mu jila, ni ha kupomba, ni ha kuhinduka nawa.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Kolosu 4:6

Liji lienu likapwe matangwa eswe ni vumbi, lia kulungiwa ni mungwa, hanga nukanyingike chize Chanutamba kukumbulula kuli mutu ni mutu.

1 Petulu 3:15

aiioze Selenu Kristu ngwe mwe Mwene mu mbunge jenu: nukalulike matangwa eswe mukuhana kumbululo kuli mweswe manwita chikuma cha kutalatala chize chili muli yenu, hindu ni kushimbika ni woma.

Rute 2:12

Yehova akukundulule yize yeswe walinga; akakwehe kwononona cheswe cha muwundu kuli Yehova Zambi ya Izalele, se hiweza kuswamina mushi ha mapulwa jenyi.

Rute 2:4

Kumanyi Mboaze yakatuka ku Mbeteleme, yamba kuli akwa kucha mbuto ngwenyi, Yehova apwe hamwe nenu. O yakumbulula ngwo, Yehova anuwahise.

Rute 4:11

Aho atu eswe apwile mu chikolo hamwe ni makulwana yamba ngwo, Tuli yela. Ni yono pwo ananjila mu zuwo lie, Yehova akamupwise ngwe Rakele ni Liya waze hamuwika asangwile munyachi wa Izalele. Ukawahe mu Efrata, ukafumane mu Mbeteleme.