Shimbi 6:5 - MUKANDA USANDU WA ZAMBI 1975

⁵ Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Mukanda Wa Zambi 1970

⁵ Zanga Mwene Zambi, Zambi ye, ni mbunge ye yeswe, ni mwono we weswe, ni tachi je jeswe.

Shimbi 6:5 Iomraidhean Croise

1 Yitanga Ya Mianangana 3:3

Solomone wazangile Yehova. Wendele mu yiyulo ya tato David. Chino wika washihile yitapo ha manangamo ni kwochelaho insensu.

1 MIANANGANA 23:25

Kukwapwile umwe mwanangana kushi kulifwa nenyi. Yatewulukila kuli Yehova ni mbunge yenyi yeswe, ni mwono wenyi weswe, ni ndundo jenyi jeswe nikulita ni shimbi jeswe ja Mose. Chipwe kulutwe lienyi niumwe wasolokele wa kulifwa nenyi.

2 Sango Ja Mianangana 15:12

Yakolesa usendo kufupa Yehova Zambi ya tulamba two ni mbunge jo jeswe ni mwono wo weswe;

2 Sango Ja Mianangana 34:31

Mwanangana yamana homa henyi; yakolesa usendo kumeso ja Yehova akaule Yehova, kufunga maliji jenyi, ni Shindakenyo jenyi, ni yiyulo yenyi, ni mbunge yenyi yeswe ni mwono wenyi weswe, akalinge maliji a usendo a kusoneka mu mukanda uno.

Miaso (Masamu) 119:2

Kawaha waze atunga Shindakenyo jenyi; waze amufupa ni mbunge yeswe.

Miaso (Masamu) 31:24

Takamenu, mbunge jenu jihamuke, enu eswe nwakutatatata kuli Yehova.

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Mateu 22:37

Yesu wambile kuli iye ngwenyi, Ngwo, Ukazange Mwene Zambi-ye ni mbunge ye yeswe, ni mwono we weswe, ni kunyonga che cheswe.

Marku 12:30

ukazange Mwene Zambi ye ni mbunge ye yeswe, ni mwono we weswe, ni kunyonga che cheswe, ni ngolo je jeswe. Lino lie liji litangu lia shimbi.

Marku 12:33

Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe.

Luka 10:27

Iye wakumbulwile ngwenyi, Ngwo, Ukazange Mwene Zambi ye ni mbunge ye yeswe, ni mwono we weswe, ni ngolo je jeswe, ni kunyonga che cheswe, ukazange mwenyembo we ngwe wakulizanga yena mwene.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 19:9

kachi munukafunga liji lino lieswe lia shimbi mukulilinga, ngunanwambelio musono, mukuzanga Yehova Zambi yenu, mukwenda miaka yeswe mu majila jenyi, mba nukaliwezeleho membo atatu akwo ku membo ano atatu,

Shimbi 30:10

kachi munukazeya ku liji Ka Yehova Zambi yenu, mukufunga maliji jenyi a shimbi ni yiyulo yenyi yinasonewa mu mukanda uno wa shimbi, kachi munutewulukila kuli Yehova Zambi yenu ni mbunge jenu jeswe, ni alma jenu jeswe.

Shimbi 30:16

Ngunanwambe musono, nuzange Yehova Zambi yenu, nwende mu majila jenyi, nufunge maliji jenyi a shimbi, ni yiyulo yenyi, ni upatwilo wenyi, hanga nupwe ni mwono, nwoke, hanga Yehova Zambi yenu anuwahise mu chifuchi nunayi kuchizuka.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

1 Yoano 5:3

Mumu lino lie zango lia Zambi, ngwo, Tukafunge shimbi jenyi: ni shimbi jenyi hi jikalu ko.