Shimbi 6:21 - MUKANDA USANDU WA ZAMBI 1975

²¹ Henaho nwambe kuli ana jenu ngwenu, Twapwile tupinji twa Falau mu Engitu, Yehova yatuchiza mu Engitu ni kwoko lia ndundo.

Mukanda Wa Zambi 1970

²¹ Mba alwezenu ngwenu: ‘Twabwile ndungo ja mwanangana wa Egiptu alioze Mwene Zambi yatutuhwisa mo ni ndundo jenyi kuhiana.

Shimbi 6:21 Iomraidhean Croise

Ubutukilo 19:16

Hindu machilaluka, mba malunga yamukwata ku kwoko lienyi, ni kwoko lia mukwo-pwo, ni moko ja anenyi a mapwo se Yehova keke yinji anamuvwila. Chocho yamuchiza, yamusa haze lia limbo.

Miaso (Masamu) 78:7

Hanga akasele kutalatala cho muli Zambi, nikuvulama yitanga ya Zambi ka, alioze akafunge shimbi jenyi.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:16

Chikapwe chilayi ha moko jenu ni cha kukashila hakachi ka meso jenu, mumu Yehova watuchijile ku Engitu ni kwoko lia tachi.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 13:9

Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Kutuhuka 20:2

Nakuchijile ku chifuchi cha Engitu, ku zuwo lia upinji, Yami Yehova Zambi ye.

Kutuhuka 3:19

Ngunanyingika mwanangana wa Engitu kechi kanutayiza kuya, ka, ndo ni kwoko lia ndundo.

Izaya 51:1

Panjikenu kuli yami, yenu nwakukaula ululi, yenu nwakufupa Yehova. Talenu ku luliwe kuze anupulile; talenu ku wina kuze anufulile.

Shimbi 15:15

Wiwuluke ngwami, Ena wapwile kapinji mu chifuchi cha Engitu, Yehova Zambi ye yakukula. Kashika ngunakwambe chuma chino musono.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.

Shimbi 5:6

Zambi yamba ngwenyi, Nakuchijile mu chifuchi cha Engitu, ku zuwo lia upinji, yami Yehova Zambi ye.

Shimbi 6:20

Muze manuhula kuli ana jenu ha miaka muyizaho ngwo, Shindakenyo yinalumbunuka kuchi? ni yiyulo, ni upatwilo, Yehova Zambi yetu anwambileyo?

Shimbi 6:22

Yehova yalweza yilayi, ni yikomokeso yinene, yikalu ni ha Engitu ni hali Falau, ni hali akwa zuwo lienyi eswe, kumeso jetu.