Shimbi 6:2 - MUKANDA USANDU WA ZAMBI 1975

² Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Mukanda Wa Zambi 1970

² Ha matangwa eswe a mwono wenu, yenu ni vungu lienu chanutamba kulemesa Mwene Zambi, Zambi yenu, ni kufunga Shimbi jenyi jeswe jize ngunanulongesa, hanga nukatwame miaka yinji mu chifuchi chize.

Shimbi 6:2 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

1 Yitanga Ya Mianangana 8:40

hanga akakuvwile woma matangwa eswe matwama mu chifuchi wachihanyine kuli tulamba twetu.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 128:1

Kawaha mweswawo wakuvwila woma Yehova nikwenda mu majila jenyi.

Miaso (Masamu) 91:16

Mungumuyukisa ni mwono wa miaka yinji. Mungumulweza ulamwino wami.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 20:20

Mose yamba kuli e atu ngwenyi, Kanda nwivwa woma mumu Zambi heza mukunweseka, hanga woma wenyi ukapwe kumeso jenu, hanga kunuchi kavulumuna.

Yishima 16:6

Utu wa zango ni umwenemwene kuyakufwetela uhenge; ku woma wa Yehova atu kakuchina yipi.

Yishima 3:16

Yinyingi yapwa ngwe yoze uli ni mwono wunji mu kwoko lienyi lia chindume. Mu kwoko lienyi lia chimeso kali ni upite ni ulemu.

Yishima 9:11

Mumu kuli yami matangwa je moka, ni miaka ya mwono we muyikaliwezela.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 22:7

Chanutamba kwecha mwe naye, alioze munuhasa kulichijila e ana; hanga nutwame kawape, hanga nwokese matangwa jenu.

Shimbi 30:19

Ngunatambika malilu ni hashi yinushindakenye musono ngwami, Hinasa kumeso jenu mwono ni kufwa, chiwape ni shingo, kashika, tongolenu mwono hanga nupwe ni mwono, ni yenu ni ana jenu.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 6:24

Yehova yatwamba tulinge yiyulo yino yeswe, tuvwile woma Yehova Zambi yetu, chikapwe chipema chetu matangwa eswe, iye atufunge a mwono, ngwe chinapu musono.

Shimbi 6:7

nukaalongese kanawa kuli ana jenu, nukaatenge pande ha ku! wama mu mazuwo jenu, ha kwenda mu jila, ha kupomba chenu, ha kuhinduka chenu.

Yoshua 4:24

Hanga mavungu eswe a hashi akanyingike ngwo, Kwoko lia Yehova ndundo Ukwete. Ni yenu nawa nukavwile woma Yehova Zambi yenu ndo ku miaka ya mutolo.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe: