Shimbi 6:18 - MUKANDA USANDU WA ZAMBI 1975

¹⁸ Nulingelinge chize Chinalulama, chipema kumeso ja Yehova; hanga nutwame kawape, hanga nunjile, nuzuke chifuchi chipema chize alishingile Yehova kuhana kuli tulamba twenu,

Mukanda Wa Zambi 1970

¹⁸ Lingenu yize Mwene Zambi anambe, yize yinalite ni yinabeme, mba munukawaha. Munukazuka chifuchi cha chinuno chize Mwene Zambi alakenyene tushakulu twenu,

Shimbi 6:18 Iomraidhean Croise

Miaso (Masamu) 19:11

Kavumbi ke kakumutoweza nayo. Ha kuyilinga kuchili kwononona chinene.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Izaya 38:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Ezekiel 18:19

Hindu munwamba ngwenu, Kuchi te mwana kechi kamona lamba ha uhenge wa tato? Nyi mwana halinga chize chinalite ni shimbi, Chinalulama; hatala kanawa akafunge yiyulo yami yeswe, aye kumakatwama ni mwono.

Ezekiel 18:21

Alioze nyi chingulungulu makahichika milonga yenyi yeswe yize havulumuna akafunge yiyulo yami yeswe ni kulinga chize chinalite ni shimbi, Chinalulama, kumakatwama ni mwono; kechi kafwa.

Ezekiel 18:27

Alioze muze chingulungulu mahichika ungulungulu uze halinga akalinge chize chinalite ni shimbi, Chinalulama, kumakalamwina mwono wenyi.

Ezekiel 18:5

Nyi mutu kapwa mukwa ululi nikulinga chize chinalite ni shimbi, Chinalulama—

Ezekiel 33:14

Alioze nyi mungwamba kuli chingulungulu ngwami, Pundu kumuofwa, hindu nyi malumuka ni kuhichika shili yenyi ni kulinga chize chinalite ni shimbi, chize Chinalulama,

Ezekiel 33:16

Kechi kamwiwulukila niumwe mulonga uze hanavulumuna. Halinga chize chinalite ni shimbi, chize Chinalulama; kumakatwama ni mwono.

Ezekiel 33:19

Mba muze chingulungulu mahichika ungulungulu wenyi akalinge chize chinalite ni shimbi, chize Chinalulama, makatwama ni mwono wacho.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

Shimbi 12:25

Kanda nwalia, hanga nutwame kawape, ni ana jenu atwame kawape kulutwe lienu, ha kulinga chize chinate kumeso ja Yehova.

Shimbi 12:28

Nufunge, nwivwe maliji ano eswe ngunanwambe hanga nutwame kawape, ni ana jenu atwame kawape kulutwe lienu ndo ku miaka ya mutolo, ha kulinga chipema chize chinate kumeso ja Yehova Zambi yenu.

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:10

Muze Yehova Zambi yenu manuhetesa mu chifuchi alishingile iye kuli tulamba twenu ni kuli Apalahama, ni kuli Izake, ni kuli Yakomba, mukunwaha membo anene, apema, enu kunwaatungile,

Shimbi 6:19

mukuhuma akwa kole jenu eswe kumeso jenu, ngwe ambile Yehova.

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.