Shimbi 6:16 - MUKANDA USANDU WA ZAMBI 1975

¹⁶ Kanda nweseka Yehova Zambi yenu, ngwe nwamwesekele ku Masa.

Mukanda Wa Zambi 1970

¹⁶ “Kanda nweseka Mwene Zambi, Zambi yenu, ngwe chize nwamwesekele ku Masa.

Shimbi 6:16 Iomraidhean Croise

Miaso (Masamu) 78:18

Esekele Zambi mu mbunge jo ha kwita yifwo ya usolo wo.

Kutuhuka 17:2

Kashika e atu alitachikile ni Mose ngwo, Twehe meya tunwe. Mose yamba kuli ayo ngwenyi, Yika te nunalitachika ni yami? Kuchi te nuneseka Yehova?

Kutuhuka 17:7

Yaluka kuma kuze jina ngwenyi, Masa kanda Meripa, mumu ha kulitachika cha A-Izalele, mumu o yeseka Yehova ha kwamba ngwo, Shina Yehova kwali hakachi ketu nyi shina ka?

Kwalula 20:13

Meya ano, meya a Meripa, mumu te A-Izalele alitachikile ni Yehova. Iye yalisolola musandu hakachi ko.

Mateu 4:7

Yesu wambile kuli iye ngwenyi, Cheka nawa chinasonewa ngwo, Kanda ukeseka Mwene Zambi ye.

Luka 4:12

Yesu wamukumbulwile, ngwenyi, Kanachambe ngwo, Kanda ukeseka Mwene Zambi ye.

1 Korintu 10:9

Chipwe kanda tukeseka Kristu ngwe amwe a kuli ayo esekele, mba aonwene kuli tupela.

Shimbi 33:8

Ha kutwala kuli Levi yamba ngwenyi, Tumimi twe ni Urimi we, kuyili kuli mukwa uwayilo we, yoze wamwesekele ku Masa, walitachikile nenyi ku meya a Meripa.