Shimbi 6:14 - MUKANDA USANDU WA ZAMBI 1975

¹⁴ Kanda nukaula tuzambi tweka, tuzambi twa mavungu ananujingilika,

Mukanda Wa Zambi 1970

¹⁴ Kanda nuwayila mazambi akwo, mazambi ja atu waze ananujingilika.

Shimbi 6:14 Iomraidhean Croise

1 MIANANGANA 17:35

Yehova wakolesele no usendo nikwashingisa ngwenyi, Kunuchi kuvwila woma mazambi akwo, chipwe kuhetamina kuli ayo, chipwe kwalingila, chipwe kwashihila yitapo,

Miaso (Masamu) 44:20

Nyi kachi twavulamine jina lia Zambi yetu tuzoze moko jetu kuli umwe zambi wa kandaka,

Kutuhuka 20:3

Kanda ukapwa ni tuzambi tweka kumeso jami.

Jeremia 25:6

Kanda nukaula mazambi akwo kwalingila chipwe kwawayila, nukangwihie ni yitanga ya moko jenu, mba chichi kunulinga chipi nichimwe.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Shimbi 11:28

Ngwami, Shingo, nyi kunuchi kupanjika ku maliji a shimbi a Yehova Zambi yenu, alioze nyi munuhambuluka ku jila ngunanwambeyo musono, mukukaula tuzambi tweka, kunwatunyingikine.

Shimbi 13:7

tuzambi twa mavungu anakujingilika, hehi ni yena, hanji kusuku ni yena, chize ku songo limwe lia hashi ndo ku songo likwo lia hashi,

Shimbi 5:7

Kanda ukapwa ni tuzambi tweka kumeso jami.

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

1 Yoano 5:21

Ana akepe, lifungenu ku mahamba. Amene.