Shimbi 6:13 - MUKANDA USANDU WA ZAMBI 1975

¹³ Nukavwile woma Yehova Zambi yenu, nukamuvumbike iye, nukalishinge ni jina lienyi.

Mukanda Wa Zambi 1970

¹³ Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Shimbi 6:13 Iomraidhean Croise

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

1 MIANANGANA 17:36

alioze Yehova yoze wanuchijile ku chifuchi cha Engitu ni ndundo jinji ni kwoko lia kwolola, mwenawo munuvwila woma, kuli iye munuhetamina, kuli iye munushihila yitapo.

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Miaso (Masamu) 63:11

Mumu mwanangana kumakawahilila muli Zambi; mweswe malishinga nenyi malisamba. Mumu kanwa lia waze akuhanjika mahuza kumakalipakika.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Izaya 65:16

Kashika yoze maliwahisa mu chifuchi, maliwahisa ni jina lia Zambi ya umwenemwene, yoze malishinga mu chifuchi malishinga ni Zambi ya umwenemwene, mumu lamba lia kushi hanalivulama, hiliaswamina kumeso jami.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Alevi 19:12

Kanda nulishinga ni mahuza ku jina liami, nukajilule jina lia Zambi yenu. Yami Yehova.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Mateu 5:33

Cheka nawa hinunevu ngwe achambile kuli a shakulu ngwo, Kanda nulishinga, alioze ukamanunune kuli Mwene mashingo je.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 5:11

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Yoshua 2:12

Kashika lilakenyenu ni yami ni shingo kuli Yehova se yami hinanulingila vumbi, ni yenu nawa nukalinge ni vumbi kuli akwa zuwo lia tata. Ngwehenu chilayi chamwenemwene.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.