Shimbi 5:9 - MUKANDA USANDU WA ZAMBI 1975

⁹ Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Mukanda Wa Zambi 1970

⁹ Kanda wafukamina chibwe kwakombelela mumu yami Mwene Zambi, Zambi ye, nguli Zambi ya ukwa. Atu waze akunguvutwokela mungukaamwesa lamba, ni ajikulu jo, ni tukwatambuli two.

Shimbi 5:9 Iomraidhean Croise

1 MIANANGANA 17:35

Yehova wakolesele no usendo nikwashingisa ngwenyi, Kunuchi kuvwila woma mazambi akwo, chipwe kuhetamina kuli ayo, chipwe kwalingila, chipwe kwashihila yitapo,

Kutuhuka 34:14

Kanda ukawayila tuzambi eka, mumu Yehova (jina lienyi iye Ukwa), iye Zambi mukwa ukwa.

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Shimbi 4:16

Kuchina munulilumbula nikulisongela kaponya mu kulifwa cha mujimba weswawo, hanji mu kulifwa cha lunga, hanji cha pwo,

Shimbi 4:24

Mumu Yehova Zambi yenu iye kahia ka kulesa; Zambi ya ukwa.

Shimbi 6:15

mumu Yehova Zambi yenu yoze uli hakachi kenu iye Zambi ya ukwa, kuchina utenu wa Yehova Zambi yenu muunukasumukina, iye makanukuwisa hashi heswe.

Shimbi 7:10

eswe akunuvwila kole iye kakwafwetesa ku meso jo, mukwaonwona. Iye kechi kalalukila yoze mamuvwila kole, makamufwetesa ku meso jenyi.