Shimbi 5:4 - MUKANDA USANDU WA ZAMBI 1975

⁴ Yehova yahanjika ni yenu meso ni meso ha mulundu, liji Unatuhuka mukachi ka kahia.

Mukanda Wa Zambi 1970

⁴ Mu kahia ha mulundu Mwene Zambi yahanjika ni yenu meso ni meso.

Shimbi 5:4 Iomraidhean Croise

Kutuhuka 19:9

Yehova yamba kuli Mose ngwenyi, Mungwiza kuli yena mu lelwa lilá hanga e atu evwe muze munguhanjika ni yena, akakufuliele nawa ndo ku miaka ya mutolo. Mose yambulwila Yehova maliji a e atu.

Kutuhuka 20:1

Zambi wambile maliji wano eswe ngwenyi,

Kutuhuka 33:11

Yehova wahanjikile ni Mose meso ni meso ngwe mutu mahanjika ni kasendo kenyi. Mba yahiluka nawa ku chilombo, alioze kavumbi kenyi Yoshua, mwana Nune, iye te mukweze, kakatukile ku mbalaka.

Kwalula 12:8

Nakuhanjika nenyi kanwa ni kanwa, zwa lume, hi ni yitaka ko, ka. Iye kumakamona kulifwa cha Yehova. Kuchi te kunwevwile woma kuhanjika nikulimika ni Mose kavumbi kami?

Kwalula 14:14

O kumakachambulula kuli atu atwama mu chifuchi chino. O hevwa ngwo, Yehova hwali hakachi ka wano atu; mumu yena wakulimona no meso ni meso. Lelwa lie kuliakumana helu lio. Yena kuwakwatetekela, ha mwalwa mu nguji lia lelwa, ni ha ufuku mu nguji lia kahia.

Shimbi 34:10

Kukwasolokele mu Izalele profeta niumwe walifwa ni Mose, Zambi te yamunyingika meso ni meso.

Shimbi 4:12

Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Shimbi 4:15

Kashika nukanyame kanawa, mumu kunwamwene mujimba niumwe ha tangwa lize Yehova wahanjikile ni yenu mu Horepe liji Unatuhuka mukachi ka ke kahia.

Shimbi 4:33

Te kwapwile atu amwe evwile liji lia Zambi Unatuhuka mukachi ka kahia, ngwe yenu nwevwile, mba atwamine a mwono nyi?

Shimbi 4:36

Yanuvwisa liji lienyi Unatuhuka mwilu, anufumbe. Hano hashi yanumwesa kahia kenyi kanene. Nwevwile maliji jenyi anatuhuka mukachi ka kahia.

Shimbi 5:22

Maliji ano ambile Yehova ha mulundu ku chikungulwila cheswe, liji Unatuhuka mukachi ka ke kahia, ni ku lelwa, ni ku milima pwi, ni liji linene. Kawezeleko nichimwe. Yaasoneka ha mikanda yiali ya mawe, yangwahayo yami.