Shimbi 5:32 - MUKANDA USANDU WA ZAMBI 1975

³² Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Mukanda Wa Zambi 1970

³² “Yenu Aisraele, fungenu kanawa yuma yeswe yize Mwene Zambi, Zambi yenu, haanwamba. Kanda nukolema Shimbi niyimwe.

Shimbi 5:32 Iomraidhean Croise

1 MIANANGANA 17:37

Ni yiyulo yenyi, ni maliji jenyi a shimbi, ni je shimbi, ni maliji, yize anusonekenene munukayifunga, nikuyilinga ndo ku miaka ya mutolo. Kanda nuvwila woma mazambi akwo.

1 MIANANGANA 21:8

Chichi kwendesa molu ja A-Izalele haze lia chifuchi chino nahanyine kuli tulamba two nyi manyonga kulinga yize yeswe naatumine, nikulita nawa ni shimbi jize jeswe kavumbi kami Mose waatumine.

1 MIANANGANA 22:2

Aye walingile chipema kumeso ja Yehova. Wendele mu ndako jeswe ja kalamba kenyi David, kahambulukile chipwe ku chindume chipwe ku chimeso.

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 19:12

Iya manyingika kupianguka chenyi? Ngupemese kama ku tupalia twa kusweka.

Miaso (Masamu) 80:19

Yehova Zambi-wa-Tujita, ututewulule kama. Pangulwisa meso je mba mutupuluka.

Yishima 3:2

mumu muyikwaha kusuha cha matangwa ni miaka ya mwono, ni sambukila nawa.

Yishima 4:27

Kanda ukapiasukila chipwe ku chindume chipwe ku chimeso. Chiza kulu lie ku yipi.

Izaya 30:21

Muze munukondoloka hanji ku chindume, hanji ku chimeso, matwi jenu nawa mevwa liji kunyima yenu lia kwamba ngwo, Ye jila, yino; endelemo.

Ezekiel 20:19

Zambi yenu yami Yehova; endenu mu yiyulo yami, nutale kanawa kufunga shimbi jami,

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Shimbi 11:32

nukanyame, nulinge yiyulo yeswe ni upatwilo ngunase kumeso jenu musono.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 17:11

Nukalinge nikulita ni liji lia shimbi o manulongesalio, nikulita ni upatwilo o manwambulwilawo; kanda nukondoloka ku upatwilo manulwezawo, chipwe ku chindume, hanji ku chimeso.

Shimbi 17:20

kuchina mbunge yenyi muyilifuza ni atu jenyi, kuchina mahambuluka ku liji lia shimbi nikuya ku chindume, hanji ku chimeso, hanga akokese matangwa jenyi mu wanangana wenyi, neye ni ana jenyi, hakachi ka A-Izalele.

Shimbi 24:8

Nukanyame ni musongo wa mbumba, nutale kanawa, nulinge nikulita ni yeswe manulongesa kuli asasendote, A-Levi, ngwe hinaamba, chocho nukanyame kulinga.

Shimbi 28:14

Kanda nukondoloka ku liji nilimwe lia maliji ngunanwambe musono, chipwe ku chindume, chipwe ku chimeso, mukukaula tuzambi tweka nikutuvumbika.

Shimbi 29:8

Yitutambula chifuchi cho, yituchihana kuli A-Rupene chihinga, ni kuli A-Ngate, ni ku chihanda cha munyachi wa A-Manase.

Shimbi 6:17

Nufunge kanawa maliji a shimbi a Yehova Zambi yenu, ni Shindakenyo jenyi ni yiyulo yenyi anwambileyo.

Shimbi 6:25

Kumuchipwa ululi kuli yetu, kachi mutukanyama kulinga liji lino lieswe lia shimbi kumeso ja Yehova Zambi yetu, ngwe atwambilelio iye.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

Shimbi 8:1

Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 23:6

Kashika jikizenu kufunga nikulinga yuma yeswe yinasonewa mu mukanda wa shimbi ya Mose. Kanda nukapiangukako, chipwe ku chindume, chipwe ku chimeso.

2 Petulu 2:21

Mumu hapwa hali ayo kachi kanyingikine jila ya ululi, shina, muze te hayinyingika, kuchinduluka ku liji lisandu lia shimbi lize aakunjikile.