Shimbi 5:27 - MUKANDA USANDU WA ZAMBI 1975

²⁷ Ukundame wivwe yeswe Yehova Zambi yetu mamba; uhanjike ni yetu yeswe Yehova Zambi yetu mamba kuli yena; mutuyivwa, mutuyilinga.

Mukanda Wa Zambi 1970

²⁷ Mose, yako hanga ubanjike yuma yeswe yize Mwene Zambi, Zambi yetu, mahanjika mba uhiluke hanga utwambulwile yize makulweza. Kumutubanjika ni kumwononokena.’

Shimbi 5:27 Iomraidhean Croise

Kutuhuka 18:20

Ukaalongese ye yiyulo ni je shimbi, ukaalweze jila o chaatamba kwendamo, ni milimo o chaatamba kulinga.

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Kutuhuka 20:18

Mba e atu eswe amwene kukulunguza ni mihenyo ni lie liji lia chitavwi ni mulundu unatuhwisa mwishi. Muze atu achimwene, yachikima, yamana kusuku.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Kutuhuka 24:3

Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Jeremia 42:5

O yamba kuli Jeremia ngwo, Yehova apwe chela wamwenemwene wa kushishika kutushindakenya nyi kutwalingile nikulita ni liji lieswe Yehova Zambi yenu manutuma nalio kuli yetu.

Jeremia 42:6

Lipwe lipema, lipwe lipi, mutwononoka ku liji lia Yehova Zambi yetu kuze tunanutumu, hanga chikawahe ni yetu ha kwononoka ku liji lia Yehova Zambi yetu.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

Shimbi 5:28

Mba Yehova yevwa liji lia kuhanjika chenu muze nwahanjikile ni yami. Yehova yamba kuli yami ngwenyi, Hinevwa liji lia kuhanjika cha atu ano chize hahanjika ni yena. Yeswe anambe pundu lume.

Hebreu 12:19

ni kuhanjika cha chitavwi, ni kuhanjika cha maliji; chize waze evwile, alembele nilimwe liji likwo kanda akahanjika kama kuli ayo;

Yoshua 24:24

Atu yamba kuli Yoshua ngwo, Yehova Zambi yetu mutumulingila; liji lienyi mutuliononokena.