Shimbi 5:26 - MUKANDA USANDU WA ZAMBI 1975

²⁶ Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

Mukanda Wa Zambi 1970

²⁶ Kuli umwe mutu yoze hevwa liji lia Zambi linatuhuka mu kahia, hindu uchili ni mwono, nyi?

Shimbi 5:26 Iomraidhean Croise

Ubutukilo 32:31

Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi.

Ubutukilo 6:12

Zambi wamwene hashi kumanyi hapihile mumu akwa mwono eswe hanapihisa majila jo hashi.

Miaso (Masamu) 42:2

Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

Miaso (Masamu) 42:3

Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

Miaso (Masamu) 84:2

Mbunge yami kuyakuvwila usona yize ya Yehova, chipwe kulezumuka kuyakulezumuka. Ni mbunge yami ni musunya wami kuyakuteta kuli mwe Zambi ya mwono.

Kutuhuka 20:22

Yehova yamba kuli Mose ngwenyi, Chocho ukambe kuli A-Izalele ngwe, Yenwene hinwamona ngwami, Kwilu hinahanjika ni yenu.

Izaya 40:6

Liji limwe Unambe ngwo, Kololoka! Nahula ngwami, Yika mungwamba? Musunya weswe wapwa ngwe mwambu, ni upeme wawo weswe ngwe yitemo ya mu yambu.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

A-ROMA 3:20

mumu ku yitanga ya shimbi kechi kasambisa mutu niumwe kumeso jenyi; mumu ku shimbi, chinyingi cha shili muchiza.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Shimbi 4:33

Te kwapwile atu amwe evwile liji lia Zambi Unatuhuka mukachi ka kahia, ngwe yenu nwevwile, mba atwamine a mwono nyi?

Shimbi 5:27

Ukundame wivwe yeswe Yehova Zambi yetu mamba; uhanjike ni yetu yeswe Yehova Zambi yetu mamba kuli yena; mutuyivwa, mutuyilinga.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Akwa Kuyula 13:22

Manoa yamba kuli mukwo-pwo ngwenyi, Kumutufwa, mumu hitwamona Zambi.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.