Shimbi 5:24 - MUKANDA USANDU WA ZAMBI 1975

²⁴ yinwamba ngwenu, Kwivwa! Yehova Zambi yetu hatulweza ulemu wenyi ni unene wenyi, yitwivwa liji lienyi Unatuhuka mukachi ka ke kahia. Musono hitwamona ngwetu, Zambi kahanjika ni mutu, hindu mutu achili ni mwono.

Mukanda Wa Zambi 1970

²⁴ yaamba ngwo: ‘Mwene Zambi, Zambi yetu, hatulweza unene wenyi ni uhenya wenyi muze twamuvwile ni kuhanjika mu kahia! Musono hitwamona ngwetu, mutu mahasa kubwa ni mwono, chibwe Zambi mahanjika nenyi.

Shimbi 5:24 Iomraidhean Croise

Ubutukilo 32:30

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Ubutukilo 32:31

Shimbu machizauka Penwele tangwa yilivumbuka. Yakomba kanapalita mumu ha shina lia kulu lienyi.

Kutuhuka 19:19

Mba lie liji lia chitavwi te linayi ni kuhiohia ni tachi. Mose yahanjika, mba Zambi yamukumbulula ni liji.

Kutuhuka 20:22

Yehova yamba kuli Mose ngwenyi, Chocho ukambe kuli A-Izalele ngwe, Yenwene hinwamona ngwami, Kwilu hinahanjika ni yenu.

Kutuhuka 33:20

Ngwenyi, Kuchi kuhasa kumona meso jami, mumu mutu kechi kutwama ni mwono nyi mamona meso jami.

Kwalula 14:14

O kumakachambulula kuli atu atwama mu chifuchi chino. O hevwa ngwo, Yehova hwali hakachi ka wano atu; mumu yena wakulimona no meso ni meso. Lelwa lie kuliakumana helu lio. Yena kuwakwatetekela, ha mwalwa mu nguji lia lelwa, ni ha ufuku mu nguji lia kahia.

Shimbi 32:3

Mumu mungulumbununa Yehova chize apwa. Fumanyisenu Zambi yetu!

Shimbi 4:33

Te kwapwile atu amwe evwile liji lia Zambi Unatuhuka mukachi ka kahia, ngwe yenu nwevwile, mba atwamine a mwono nyi?

Shimbi 5:23

Ha kwivwa liji Unatuhuka mukachi ka ye milima, te mulundu unachiweme ni kahia, enu nwakundamine kuli yami, te akwa lutwe eswe a minyachi yenu hamwe ni makulwana jenu,

Shimbi 5:25

Kashika haliapwila tufwile yika? Mumu kahia kano kanene mukatulesa. Kachi mutwivwa cheka nawa liji lia Yehova Zambi yetu, henaho kumutufwa.

Akwa Kuyula 13:22

Manoa yamba kuli mukwo-pwo ngwenyi, Kumutufwa, mumu hitwamona Zambi.