Shimbi 5:21 - MUKANDA USANDU WA ZAMBI 1975

²¹ Kanda ukavwila chipululu pwo lia mukwenu, chipwe kanda ukazanga zuwo lia mukwenu, chipwe munda wenyi, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mukwenu.

Mukanda Wa Zambi 1970

²¹ “ ‘Kanda uvwila chipululu pwo lia mukwenu, chibwe zuwo lienyi, hanji munda wenyi, chibwe ndungo yenyi, hanji ngombe yenyi, chibwe chimbulu chenyi, hanji Chuma chikwo chize ali nacho.’

Shimbi 5:21 Iomraidhean Croise

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

Jobe 31:9

Nyi mbunge yami hiyakaula umwe pwo, ngukajikinyine ku chikolo cha mwenyembo wami;

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Yishima 6:25

Kanda wivwa usolo wa kupema chenyi mu mbunge ye; kanda umutayiza kukukwata ni meso jenyi;

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

A-ROMA 13:9

Mumu ngwo, Kanda ulinga utanji; kanda ushiha; kanda wiya; kanda ushindakenya mahuza; kanda wivwa kuzo; nyi kachi liji likwo lia shimbi liliko, linasu mu liji lino ngwo, Uzange mwenyembo we chizechene ngwe unalizange yena mwene.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.