Shimbi 5:16 - MUKANDA USANDU WA ZAMBI 1975

¹⁶ Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Mukanda Wa Zambi 1970

¹⁶ “ ‘Lemesa tatenu ni noko, ngwe chize yami, Mwene Zambi, Zambi ye, ngunakwehe Shimbi, mba hanga yuma yeswe yiwahe kuli yena ni hanga ubwe ni mwono matangwa anji, mu chifuchi chize ngunakwehe.

Shimbi 5:16 Iomraidhean Croise

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Yishima 3:1

Mwanami, kanda uvulama longeso liami. Mbunge ye yikafunge shimbi jami,

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Mateu 19:19

Lemesa tatenu ni noko, uzange mwenyembo we chizechene ngwe wakulizanga yena mwene.

Marku 10:19

Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko.

Marku 7:10

Mumu Mose wambile ngwenyi, Lemesa tatenu ni noko; chikwo ngwenyi, Yoze mahanjika yipi hali tato hanji naye, akafwe lume:

Luka 18:20

Unanyingika shimbi ngwo, Kanda ulinga utanji, kanda ushiha, kanda wiya, kanda ushindakenya mahuza, lemesa tatenu ni noko.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 27:16

Kashingiwa mutu yoze malelesa tato hanji naye. Atu eswe até ngwo, Amene.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Kolosu 3:20

Yenu ana, Ononokenu kuli yisemi jenu ha yuma yeswe, mumu chino chinapemena chikolo kuli Mwene.