Shimbi 5:14 - MUKANDA USANDU WA ZAMBI 1975

¹⁴ Alioze tangwa liamuchishimbiali Sambata kuli Yehova Zambi ye. Kanda ukalingaho milimo niyeyimwe, chipwe yena, chipwe mwané wa lunga, chipwe mwané wa pwo, chipwe ngamba ye wa lunga, chipwe ngamba ye wa pwo, chipwe ngombe ye, chipwe chimbulu che, chipwe yimuna je niamwe, chipwe njize uli mu chihunda che, hanga ngamba ye wa lunga ni ngamba ye wa pwo akahwime chimuwika ngwe yena.

Mukanda Wa Zambi 1970

¹⁴ alioze tangwa lia muchishimbiali lili tangwa lia kuhwima, tangwa lia yami Mwene Zambi, Zambi ye. Kanda Ulinga ho mulimo, chibwe yena, hanji ana je, chibwe ndungo je, hanji yimuna ye, chibwe yilambala waze atwama mu chifuchi che. Ndungo je chaatamba kuhwima ngwe yena mwene.

Shimbi 5:14 Iomraidhean Croise

Ubutukilo 2:2

Ha tangwa liamuchishimbiali Zambi yamanuna milimo yenyi yize alingile, mba ha tangwa liamuchishimbiali yahwima ku milimo yenyi yeswe yize alingile.

Nehemia 13:15

Ha matangwa aze yingumona mu Yunda amwe akwa kuliachila uva ha tangwa lia Sambata, ni kucha yichita ya mbuto, nikuyitwika hali yimbulu, hamwe ni vinyu, ni uva, ni makuyu, ni yiteli yeka ni yeka, nikuyineha mu Yerusaleme ha tangwa lia Sambata. Yingwashindakenyacho ha tangwa lize alanjishile kulia.

Nehemia 13:16

Kwapwileko nawa malunga a Teru, o apwile nikuneha yishi ni yuma yeswayo yakutalika, nikuyilanjisa ha Sambata kuli A-Yunda ni mu Yerusaleme.

Nehemia 13:21

Mba yingwashindakenya ngwami, Kuchi te nwakupomba kwa kujingilika chipanga-cha-mawe? Nyi munuchilinga nawa mungunulamba. Chize ku tangwa lize kejile nawa ha Sambata.

Nehemia 5:5

Hindu musunya wetu wapwa ngwe musunya wa akwetu, ni ana jetu ngwe ana jo; hindu twakuhana ana jetu a malunga ni a mapwo ku undungo, ni amwe anetu a mapwo hapwa kulu ndungo. Kutwahashile kulinga nichimwe, mumu minda yetu ni mitondo yetu ya uva yili mu moko ja atu akwo.

Kutuhuka 23:12

Ha matangwa asambano ukalinge milimo ye. Ha tangwa liamuchishimbiali hikuhwima, ni ngombe ye, ni chimbulu che akahwime, hanga mwana wa ndungo ye wa pwo ni njize akasanguluke.

Alevi 23:3

munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Marku 2:27

Iye wambile kuli ayo ngwenyi, Atangile Sambata hali atu, hi atu ko ha Sambata:

Luka 23:56

O ahilukile, alulikile mbuto ya vumba lipema ni yitumbo yipema ya kukwita. Ha tangwa lia Sambata anamine nikulita ni liji lia shimbi.

Shimbi 5:13

Ukahondangane matangwa asambano. Ukalingeho milimo ye yeswe.

Hebreu 4:4

Mumu hanambe muma mumwe ha kutwala ku tangwa liamuchishimbiali ngwe chino, ngwenyi, Ni Zambi wahwimine ha tangwa liamuchishimbiali ku yitanga yenyi yeswe.