Shimbi 5:10 - MUKANDA USANDU WA ZAMBI 1975

¹⁰ nikulweza utu wa zango kuli tununu twa waze akunguzanga, kuli waze akufunga shimbi jami.

Mukanda Wa Zambi 1970

¹⁰ Alioze tununu twa yisemuko ya waze akunguzanga ni akufunga Shimbi jami, mungubwa ni kwalweza utu.

Shimbi 5:10 Iomraidhean Croise

Miaso (Masamu) 103:17

Alioze utu wa zango lia Yehova kuli waze akumuvwila woma wapwa wa ku miaka ya mutolo ndo ku miaka ya mutolo. Ululi wenyi wapwa kuli ana ja ana jo;

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Yoano 14:15

Kachi nunanguzange, fungenu shimbi jami.

Yoano 15:14

Yenu nuli tusendo twami, kachi munulinga cheswacho mungunwamba.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 7:12

Mba mumu te nunapanjika ku upatwilo uno ni kuufunga, ni kuulinga, kashika, Yehova Zambi yenu makafunga ni yenu we usendo ni we utu wa zango iye walishingile kuli tulamba twenu.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Tiangu (Jake) 1:25

Alioze yoze matala kanawa mu shimbi yingunu ya utuswilo, mba manyongononamo, se iye kapwile mukwa kwivwa ni kuvulama, aiioze mukwa kulinga chitanga, yono kumakawaha ha kulinga chenyi.

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.