Shimbi 5:1 - MUKANDA USANDU WA ZAMBI 1975

¹ Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Mukanda Wa Zambi 1970

¹ Mose yakungulula Aisraele eswe, yaamba ngwenyi: “Yenu Aisraele, banjikenu ku Shimbi jeswe jize ngunanulongesa musono. Lilongesenu jo; kanyamenu nujifunge kanawa.

Shimbi 5:1 Iomraidhean Croise

Miaso (Masamu) 78:7

Hanga akasele kutalatala cho muli Zambi, nikuvulama yitanga ya Zambi ka, alioze akafunge shimbi jenyi.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 18:20

Ukaalongese ye yiyulo ni je shimbi, ukaalweze jila o chaatamba kwendamo, ni milimo o chaatamba kulinga.

Mateu 23:3

yuma yeswe kashika manwamba, lingenu, fungenu: alioze kanda nukalinga nikulita ni yitanga yo; mumu kakwamba, alioze keshi kulinga.

Shimbi 1:1

Maliji ano ambile Mose kuli A-Izalele eswe mu sali lia Yordau, mu puya, mu Arapa chatalangana ni Kalunga-lwiji Muchila, hakachi ka Parane, ni Tofele, ni Lapane, ni Hazerote, ni Dizahabe.

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 12:1

Yiyulo yino, ni upatwilo uno, munukanyama kulinga mu chifuchi ananwehecho kuli Yehova Zambi ya tulamba twenu mukuchizuka, matangwa eswe munutwama hashi.

Shimbi 17:19

Mukanda atwame nawo, iye akapwe nikutangamo matangwa eswe matwama ni mwono, alilongese kuvwila woma Yehova Zambi yenyi, mukufunga maliji eswe a shimbi yino, ni yiyulo yino, mukuyilinga,

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 29:10

Yenu eswe nunamana musono kumeso ja Yehova Zambi yenu, ni akwa lutwe ja minyachi yenu, ni makulwana jenu, ni yilolo jenu, te malunga eswe a Izalele,

Shimbi 29:2

Mose yatambika A-Izalele eswe ngwenyi, Nwamwene yeswe alingile Yehova kumeso jenu mu chifuchi cha Engitu kuli Falau, ni kuli ngamba jenyi, ni ku chifuchi chenyi cheswe.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:49

ni kweswe ku Arapa mu sali lia Yordau kutala ku Chivumbuko, ndo ku Chitende cha Arapa ku ukandukilo wa Pisiga.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:2

Yehova Zambi yetu yakolesa usendo ni yetu mu Horepe.

Shimbi 6:17

Nufunge kanawa maliji a shimbi a Yehova Zambi yenu, ni Shindakenyo jenyi ni yiyulo yenyi anwambileyo.

Yoshua 1:8

Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.