Shimbi 4:9 - MUKANDA USANDU WA ZAMBI 1975

⁹ Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Mukanda Wa Zambi 1970

⁹ Kanyamenu! Ha matangwa eswe a mwono wenu kanda nuvulama yuma yize hinwamona ni meso jenu. Nukalweza ana jenu ni ajikulu jenu

Shimbi 4:9 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Miaso (Masamu) 71:18

Zambi, muze mungupwa kashinakaji ni kambu jitoma, kanda ungwehuka kama ndo hinambujola tachi je ku chisemuko chize muchizaho, ndundo je kuli waze eswe mezaho.

Kutuhuka 10:2

Hanga ukambulwile mu matwi ja mwané, ni ja mujikulu we, yuma yize nalingile mu Engitu, ni yilayi yami yize nalingile hakachi ko, nukanyingike ngwenu, Mwe Yehova.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Yishima 1:8

Mwanami, panjika ku kufumba cha tatenu; kanda ulituna longeso ha noko;

Yishima 23:26

Mwanami ngwehe mbunge ye; meso je akawahilile mu majila jami.

Yishima 3:21

Mwanami, funga mana angunu ni maseliekela, kanda uatayiza kukatuka ku meso je.

Yishima 7:1

Mwanami, funga maliji jami, pachikila shimbi jami.

Izaya 38:19

Wa mwono mwe wa mwono kakukusakwila, chize yami ngunalingi musono. Mutu kakulumbunwina mwanenyi umwenemwene we.

Izaya 42:20

Yuma yinji anamono alioze kayipalile; matwi jenyi awashi alioze kapanjikile.

Jeremia 17:21

Yehova kanambe ngwenyi, Kanyamenu mumu ha mwono wenu, kanda nuzundula chiteli ha tangwa lia Sambata, hanji kuchinjishila ku yikolo yino mu Yerusaleme.

Luka 8:18

Kashika kanyamenu ngwe chize munwivwa; mumu mweswawo ukwete, kumakamwaha; ni mweswawo keshi nacho, chipwe chize kananyongo ngwenyi, Nguli nacho, mamuchizacho.

Efesu 6:4

Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.

Shimbi 11:19

Nukaalongese kuli ana jenu ni kwatenga pande ha kutwama mu mazuwo jenu, ni ha kwenda mu jila, ni ha kupomba, ni ha kuhinduka nawa.

Shimbi 12:1

Yiyulo yino, ni upatwilo uno, munukanyama kulinga mu chifuchi ananwehecho kuli Yehova Zambi ya tulamba twenu mukuchizuka, matangwa eswe munutwama hashi.

Shimbi 16:3

Kanda nulia nacho mbolo ya futunwiso. Nuchilie ni mbolo kuyishi futunwiso matangwa shimbiliali; te ye mbolo ya luyinda, mumu yinukatuka ku chifuchi cha Engitu nikawashi; hanga nwiwuluke lie tangwa nwakatukile ku chifuchi cha Engitu, matangwa eswe a mwono wenu.

Shimbi 17:19

Mukanda atwame nawo, iye akapwe nikutangamo matangwa eswe matwama ni mwono, alilongese kuvwila woma Yehova Zambi yenyi, mukufunga maliji eswe a shimbi yino, ni yiyulo yino, mukuyilinga,

Shimbi 29:29

Yuma yinahengama kuyapwa ya mbala ya Yehova Zambi yetu; alioze yuma yinasoloka te ya yetu ni ya ana jetu ku miaka ya mutolo, hanga tulinge maliji eswe a shimbi yino.

Shimbi 31:19

Kashika, haliapwila, ulisonekene mwaso uno, ukaulongese kuli A-Izalele, ukause mu makanwa jo, hanga ukapwe chela cha yami, wa kukumisa A-Izalele.

Shimbi 32:46

yamba kuli ayo ngwenyi, Selenu mbunge jenu ku maliji eswe ngunanushindakenyo musono. Munukaamba ana jenu, mukukanyama kulinga maliji eswe a shimbi yino.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Shimbi 4:15

Kashika nukanyame kanawa, mumu kunwamwene mujimba niumwe ha tangwa lize Yehova wahanjikile ni yenu mu Horepe liji Unatuhuka mukachi ka ke kahia.

Shimbi 4:23

Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Shimbi 6:12

henaho, nukanyame kuchina munuvulama Yehova wanuchijile mu chifuchi cha Engitu, ku zuwo lia upinji.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Shimbi 6:20

Muze manuhula kuli ana jenu ha miaka muyizaho ngwo, Shindakenyo yinalumbunuka kuchi? ni yiyulo, ni upatwilo, Yehova Zambi yetu anwambileyo?

Shimbi 6:7

nukaalongese kanawa kuli ana jenu, nukaatenge pande ha ku! wama mu mazuwo jenu, ha kwenda mu jila, ha kupomba chenu, ha kuhinduka chenu.

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Shimbi 8:14

hanji mbunge jenu mujikazunduka, munukavulama Yehova Zambi yenu wanuchijile mu chifuchi cha Engitu, ku zuwo lia upinji.

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Tiangu (Jake) 2:22

Unamono ngwe Ufulielo wenyi walingile hamwe ni yitanga yenyi, ngwe ku yitanga apwishile Ufulielo wenyi ungunu.

Yoshua 1:18

Mweswawo makolema shimbi je, hanji kechi kwononoka ku maliji je cheswacho mumutumina mutumushiha. Chino wika, takama, hamuka.

Yoshua 23:11

Kashika nukalinyonge kanawa nukazange Yehova Zambi yenu.

Yoshua 4:21

Yamba kuli A-Izalele ngwenyi, Muze ana jenu mu miaka ya kulutwe makahula atato ngwo, Mawe ano kuchi analumbunuka?

Usolwelo 3:3

Iwuluka kashika ngwe watambwile, ni chize wevwile; uchifunge, Ulikonyeke. Kashika nyi kuchi kulá, mungukeza ngwe mwiji, kuchi kunyingika ha ola yize mungwiza hali yena.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.

Akwa Kuyula 8:34

A-Izalele kewulukile Yehova Zambi yo yoze waapulwile ku moko ja akwa kole jo sali ni sali.