Shimbi 4:40 - MUKANDA USANDU WA ZAMBI 1975

⁴⁰ Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Mukanda Wa Zambi 1970

⁴⁰ Fungenu Shimbi jenyi jeswe jize hingunanulongesa mba yenu ni vungu lienu munukawaha. Munukanyongonona kutwama mu chifuchi chenu chize Mwene Zambi, Zambi yenu, ananwehe ndoo ku miaka yeswe.”

Shimbi 4:40 Iomraidhean Croise

Miaso (Masamu) 105:45

hanga akafunge yiyulo yenyi nikumanununa shimbi jenyi. Halisenu Yehova!

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 23:26

Kukuchi kapwa mu chifuchi chenu niumwe yoze maselumuna mwanenyi, chipwe mumba, ka. Kumungukanuhetesa ku kuzuka cha matangwa jenu.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Izaya 65:20

Kuhechi kapwamo kemba wa kutwama ni mwono matangwa akehe, hanji mukulwana yoze kechi kamanununa matangwa jenyi, mumu mwana kumafwa ni kulakaji lia miaka, ni mukwa shili wa kulakaji lia miaka mapwa wa kushinga.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 35:18

Alioze kuli akwa munyachi wa Rekabe Jeremia yamba ngwenyi, Yehova-wa-Tujita, Zambi ya Izalele kanambe ngwenyi, Mumu hinunononoka ku shimbi ya kalamba kenu Jonadabe ni kufunga yiyulo yenyi yeswe, ni kulinga yize yeswe wanwambile,

Jeremia 7:23

Alioze naahele shimbi yino ngwami, Ononokenu ku liji liami mba mungupwa Zambi yenu ni yenu munupwa atu jami. Endenu mu jila yeswe mungunwamba hanga chikapwe kanawa ni yenu.

Jeremia 7:7

nyi munu linga chocho mba mungunutayiza kutwama muma muno, mu chifuchi chize nahanyine ha shakulu kuli tulamba twenu ha miaka yeswe.

Alevi 22:31

Chocho nukafunge shimbi jami nikujilinga. Yami Yehova.

Kwalula 10:29

Mose yamba kuli Hobabe, mwana wa Reuele, Ka-Mindiane, tato-weno ya Mose ngwenyi, Mu wenyi tuli, tukaye ku chifuchi chize Yehova ambile ngwenyi, Mungunwahacho. Tweyenu hamwe ni yetu, mutunulinga kapema; mumu Yehova hanahanjika yipema ha kutwala kuli A-Izalele.

Yoano 14:15

Kachi nunanguzange, fungenu shimbi jami.

Efesu 6:3

ngwo, Hanga chikapwe chipema ni yena, hanga ukapwe ni mwono miaka yinji mu chifuchi.

Shimbi 11:9

hanga nwokese matangwa jenu mu chifuchi chize alishingile Yehova kuli tulamba twenu mukwaahacho, ni kuli ana jo, chifuchi chize chinokela yamwa ni wuchi.

Shimbi 12:25

Kanda nwalia, hanga nutwame kawape, ni ana jenu atwame kawape kulutwe lienu, ha kulinga chize chinate kumeso ja Yehova.

Shimbi 12:28

Nufunge, nwivwe maliji ano eswe ngunanwambe hanga nutwame kawape, ni ana jenu atwame kawape kulutwe lienu ndo ku miaka ya mutolo, ha kulinga chipema chize chinate kumeso ja Yehova Zambi yenu.

Shimbi 22:7

Chanutamba kwecha mwe naye, alioze munuhasa kulichijila e ana; hanga nutwame kawape, hanga nwokese matangwa jenu.

Shimbi 25:15

Nupwe ni pezu jinalite, ja ululi; nupwe ni njongo jinalite, ja ululi; hanga matangwa jenu oke mu chifuchi Yehova Zambi yenu ananwehecho.

Shimbi 32:47

Mumu kuli yenu hi chamokomoko ko, kuchapwa mwono wenu, ku chuma chino munukokesa matangwa jenu mu chifuchi, nunazauka Yordau kuchizuka.

Shimbi 33:25

Njalo je mujikapwa ja utale ni unengu. Tachi je mujikalita ni matangwa je.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 4:6

Nuyifunge, nuyilinge; mumu yino kuyapwa mana jenu ni yinyingi yenu kumeso ja mavungu makevwa yiyulo yino. O mamba ngwo, Chamwenemwene munyachi uno kuwapwa atu a mana ni yinyingi.

Shimbi 5:10

nikulweza utu wa zango kuli tununu twa waze akunguzanga, kuli waze akufunga shimbi jami.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:18

Nulingelinge chize Chinalulama, chipema kumeso ja Yehova; hanga nutwame kawape, hanga nunjile, nuzuke chifuchi chipema chize alishingile Yehova kuhana kuli tulamba twenu,

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

1 Timoteu 4:8

Mumu kulifumba cha mujimba chinawaha hakepe; alioze uwayilo unawaha ha yuma yeswe, se uli ni chilakenyo cha mwono uze wa haliapwila ni cha uze muwizaho.