Shimbi 4:39 - MUKANDA USANDU WA ZAMBI 1975

³⁹ Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

Mukanda Wa Zambi 1970

³⁹ Kashika musono Iwulukenu, kanda nuvulama, Mwene Zambi kali Zambi ya mwilu ni hashi. Kukushi Zambi mukwo.

Shimbi 4:39 Iomraidhean Croise

2 Samuel 7:22

Kashika Yehova Zambi, uli munene. Kukushi umwe walita ni yena. Kukushi umwe Zambi mukwo shina yena wika, nikulita ni yuma yize yeswe hitunevu ni matwi jetu.

1 Sango Ja Mianangana 17:20

Yehova, kukushi umwe walita ni yena. Kukushi umwe Zambi mukwo shina yena wika, nikulita ni yuma yize yeswe hitunevu ni matwi jetu.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

2 Sango Ja Mianangana 20:6

ngwenyi, Yehova Zambi ya tulamba twetu, yena uli Zambi mwilu, uli mukwa kuyula mawanangana eswe a mavungu. Tachi ni ndundo jili mu kwoko lie, kashika niumwe mahasa kulimika ni yena.

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Miaso (Masamu) 135:6

Yehova hanalingi cheswacho chamuwahila, ni mwilu, ni hashi, ni mu tulunga-lwiji, ni muma mweswe mwajotoka.

Kutuhuka 8:10

Yamba ngwenyi, Hamene. Mose yamba ngwenyi, Chocho chilite ni liji lie hanga ukanyingike ngwe, Wakuhi niumwe wa kulifwa ni Yehova Zambi yetu, ka.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 43:10

Yehova kanambe ngwenyi, Enu nuli yela jami, kavumbi kami wa kutongola, hanga nukangunyingike nuka ngufuliele nukase chinyingi, Yami Nguli. Katangile niumwe zambi wakunguliangila kulutwe, chipwe kunyima yami kechi kapwako,

Izaya 44:8

Kanda nwivwa woma, mwongo kanda unukwata. Te chanulwezele chize ku shakulu nikuchambulula? Ni yenu nuli yela. Kwali umwe Zambi hamwe ni yami? Luliwe lukwo kulushiko; chalunyingikine.

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

1 Korintu 8:6

Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.

Shimbi 32:12

chocho Yehova wika wangusongwelele, te mazambi a tundaka keshiko hamwe nenyi.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Shimbi 4:35

Anulwezelecho yenu, hanga nunyingike ngwenu, Yehova iye Zambi. Wakuhi weka shina iye wika.

Shimbi 6:4

Enu A-Izalele, ivwenu, Yehova Zambi yetu iye Yehova umuwika.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Yoshua 2:11

Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.