Shimbi 4:36 - MUKANDA USANDU WA ZAMBI 1975

³⁶ Yanuvwisa liji lienyi Unatuhuka mwilu, anufumbe. Hano hashi yanumwesa kahia kenyi kanene. Nwevwile maliji jenyi anatuhuka mukachi ka kahia.

Mukanda Wa Zambi 1970

³⁶ Hananutayiza kwivwa liji lienyi, mba hanga anulongese. Hano hashi hananutayiza kumona kahia kenyi ka chijila, yahanjika kuli yenu mukachi ka kahia.

Shimbi 4:36 Iomraidhean Croise

Nehemia 9:13

Wahulumukine ha mulundu wa Sinai nawa wahanjikile no mwilu; waahele upatwilo wa pundu, ni shimbi jamwenemwene, ni yiyulo yipema ni maliji.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Kutuhuka 19:19

Mba lie liji lia chitavwi te linayi ni kuhiohia ni tachi. Mose yahanjika, mba Zambi yamukumbulula ni liji.

Kutuhuka 19:9

Yehova yamba kuli Mose ngwenyi, Mungwiza kuli yena mu lelwa lilá hanga e atu evwe muze munguhanjika ni yena, akakufuliele nawa ndo ku miaka ya mutolo. Mose yambulwila Yehova maliji a e atu.

Kutuhuka 24:16

Uhenya wa Yehova Watwamine ha mulundu wa Sinai. Lie lelwa yiliufuka ha matangwa asambano. Ha tangwa liamuchishimbiali iye yatambika kuli Mose ni liji yilituhuka muchima lia lelwa.

Shimbi 4:12

Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Shimbi 4:15

Kashika nukanyame kanawa, mumu kunwamwene mujimba niumwe ha tangwa lize Yehova wahanjikile ni yenu mu Horepe liji Unatuhuka mukachi ka ke kahia.

Shimbi 4:33

Te kwapwile atu amwe evwile liji lia Zambi Unatuhuka mukachi ka kahia, ngwe yenu nwevwile, mba atwamine a mwono nyi?

Shimbi 8:5

Nunyonge mu mbunge jenu ngwenu, Ngwe chisemi mafumba mwanenyi, chocho Yehova Zambi yenu kakunufumba yenu.

Hebreu 12:18

Mumu kunwejile ku mulundu uze mahasa kuukwata, wapwile weswe wa kahia, walayile ni milima ni chijimbi

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu: