Shimbi 4:34 - MUKANDA USANDU WA ZAMBI 1975

³⁴ Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Mukanda Wa Zambi 1970

³⁴ Kwali umwe zambi yoze haneseka kama kuchiza atu mukachi ka chifuchi chikwo ni kwapwisa atu jenyi mwene, ngwe chize Mwene Zambi, Zambi yenu, anuchijile mu Egiptu, nyi? Yasolola ndundo jenyi ku meso jenu, yamwesa atu lamba ni misongo yikalu ni jita, yalinga yikomokeso, ni yilayi, ni yuma ya kuvwisa mwongo.

Shimbi 4:34 Iomraidhean Croise

Miaso (Masamu) 136:12

Wachilingile ni kwoko lia tachi, ni kwoko lia kuzoza; mumu utu wa zango lienyi wa mutolo.

Miaso (Masamu) 24:8

Yono Mwanangana wa ulemu iya? Yehova mukolo, mukwa ndundo; Yehova mukwa ndundo mu jita.

Miaso (Masamu) 78:12

Yikomokeso alingile kumeso ja akako mu chifuchi cha Engitu, mu chifuchi cha Zoane.

Kutuhuka 1:9

Iye yamba kuli atu jenyi ngwenyi, Talenu, atu A-Izalele kanoko, kanatuhiana, kanakangana ni tachi.

Kutuhuka 10:21

Yehova yamba kuli Mose ngwenyi, Olola kwoko lie kwilu hanga kukapwe milima kweswe ku chifuchi cha Engitu; hanga atu akapapate mu milima.

Kutuhuka 10:7

Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 14:30

Chocho tangwa lize Yehova walamwinyine A-Izalele ku kwoko lia A-Engitu. A-Izalele yamona A-Engitu a ufwe ha ngenge ya kalunga-lwiji.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Kutuhuka 3:10

Haliapwila tweya, mungukutuma kuli Falau hanga ukachize atu jami A-Izalele ku Engitu.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Kutuhuka 7:3

Mungukalisa mbunge ya Falau. Mungwokesa yilayi yami ni yikomokeso yami mu chifuchi cha Engitu.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Jeremia 21:5

Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Jeremia 32:21

Wachijile atu je A-Izalele ku chifuchi cha Engitu ni yilayi ni yikomokeso ni kwoko lia tachi, ni kwoko lia kuzoza, ni mwongo wunji.

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Shimbi 1:30

Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Shimbi 10:21

Iye uhaliso wenu; iye Zambi yenu, hananulingila yuma yino yinene, kole ni mwongo, meso jenu hanayimono.

Shimbi 11:2

Nyingikenu musono ngwami, Mumu chahanjikile ni ana jenu kanyingikine, kamwene kufumba cha Yehova Zambi yenu, ni unene wenyi, ni kwoko lienyi lia ndundo, ni kwoko lienyi lia kwolola,

Shimbi 26:8

Yehova yatuchiza mu Engitu ni kwoko lia ndundo, ni kwoko lia kwolola, ni yuma yakola mwongo, ni yilayi, ni yikomokeso.

Shimbi 29:3

Meso jenu amwene yeseko yinene, ni yilayi, ni yikomokeso yize yinene.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Shimbi 34:12

Ni kwoko lieswe lia ndundo, ni yuma yeswe yinene ya kukola mwongo, Mose walingile kumeso ja A-Izalele eswe.

Shimbi 5:15

Iwuluka ngwami, Wapwile kapinji mu chifuchi cha Engitu, Yehova Zambi ye yakuchizamo ni kwoko lia ndundo, ni kwoko lia kwolola, kashika Yehova Zambi ye yakwamba ngwenyi, Ufunge tangwa lia Sambata.

Shimbi 6:21

Henaho nwambe kuli ana jenu ngwenu, Twapwile tupinji twa Falau mu Engitu, Yehova yatuchiza mu Engitu ni kwoko lia ndundo.

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.

Shimbi 9:29

Hindu o kapwa atu jenu, chihinga chenu, nwachichijile ni tachi jenu jinene ni ku kwoko lienu lia kwolola.

Yoshua 24:7

Muze atetele kuli Yehova iye wasele milima hakachi ka yenu ni A-Engitu, walundumwishine e meya hali ayo nikwafuka. Meso jenu amwene yize nalingile mu Engitu, mba nwatwamine shimbu linene mu puya.

1 Petulu 5:6

Kashika likehesenu kushi lia kwoko lia ndundo lia Zambi, hanga akanunangamise ha mwaka wenyi.