Shimbi 4:32 - MUKANDA USANDU WA ZAMBI 1975

³² Kashika hulenu haliapwila ha matangwa a kunyima, shimbu te kanda nusemuka, katuke ha tangwa Zambi watengele mutu hashi, katuke ku songo limwe lia malilu ndo ku likwo, kutala nyi kwapwile chuma chipwa haha ngwe chuma chino chinene hanji kwivwa chuma Chichize.

Mukanda Wa Zambi 1970

³² “Achinyongenu ha yuma yikulu, ha miaka yize te kanda nuchisemuka muze Mukulu Zambi atangile atu, Hengulenu hashi heswe. Hikunabu kama chimwe Chuma chinene ngwe chino, nyi? Kuli umwe yoze hanevu kama Chuma ngwe chino, nyi?

Shimbi 4:32 Iomraidhean Croise

Ubutukilo 1:27

Mba Zambi yatanga mutu mu chano chenyi; mu chano cha Zambi yamutanga. Lunga ni pwo yaatanga.

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

Jobe 8:8

Hula kama ha kutwala ku miaka ye kushi; Zewula chize tulamba lianalilongesa.

Miaso (Masamu) 44:1

Zambi, hitunevu ni matwi jetu, akaka hanatwambulwila yitanga yize walingile ha matangwa jo, ha matangwa a shakulu.

Kutuhuka 34:10

Yehova yamba ngwenyi, Ngunakolesa usendo. Kumeso ja atu je eswe mungukalinga yipekesa kanda achiyilinga hashi, chipwe hakachi ka vungu nilimwe, ka. Mba atu eswe watwama hakachi ko kumakamona chitanga cha Yehova, mumu chize mungukalinga ni yena muchipwa cha kukolesa woma.

Izaya 45:12

Nalingile hashi, natangileho mutu. Moko ja yami mwene azazulwile malilu; yami natumine mbunga yako yeswe.

Joele 1:2

Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Amose 3:2

Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Mateu 24:31

Kumakatuma angelo jenyi ni liji linene lia chitavwi, no makakungulula waze hanaatongola kuli iye ku fuji jiwana, ku songo limwe lia malilu ndo ku songo likwo.

Marku 13:27

Hohene makatuma angelo jenyi, akakungulule waze hanaatongola iye, ku fuji jiwana, ku kusula songo lia hashi ndo ku kusula songo lia lilu.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Shimbi 30:4

Chipwe amwe a kuli yenu hanaamwange ku masongo a malilu, mba ku kuze Yehova Zambi yenu makanukonga, ku kuze iye makanusaka.

Shimbi 32:7

Iwulukenu matangwa a shakulu. Zewulenu miaka ya yisemuko ya kushi. Hulenu atatenu, manulweza. Hulenu makulwana jenu, manwambulwila.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Shimbi 4:7

Mumu vungu lika linene liliko Ukwete Zambi hakamwihi no Chichize ngwe Yehova Zambi yetu ali hakamwihi ni yetu heswaho mutumutambikila?