Shimbi 4:31 - MUKANDA USANDU WA ZAMBI 1975

³¹ Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

Mukanda Wa Zambi 1970

³¹ Kali Zambi ya keke. Kechi kunwehuka hanji kunwonona. Kechi kavulama usendo uze akolesele ni tushakulu twenu.

Shimbi 4:31 Iomraidhean Croise

1 Sango Ja Mianangana 28:20

David yamba kuli mwanenyi Solomone ngwenyi, Takama; hamuka uchilinge. Kanda wivwa woma, hanji kulishimwoka mumu Yehova Zambi, mwe Zambi yami, kwali hamwe ni yena. Kechi kahona. Kechi kakwehuka ndo milimo yeswe ya uvumbiko wa zuwo lia Yehova muyihwa.

2 Sango Ja Mianangana 30:9

Mumu nyi munuhiluka kuli Yehova usoko wenu ni ana jenu nwavwila keke kuli waze kali no mu ufunge, mba meza nawa ku chifuchi chino. Mumu Yehova Zambi yenu mukwa vumbi ni keke. Kechi kutewulula meso jenyi kuli yenu nyi munuhiluka kuli iye.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Nehemia 9:31

Alioze mumu ha keke ye yeka ni yeka kwaamanunwine pundu, chipwe kwaehuka, mumu uli Zambi ya vumbi ni keke.

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 105:8

Iye kakwiwuluka usendo wenyi ku miaka ya mutolo; kakwiwuluka liji lize ambile ndo ku kanunu ka yisemuko.

Miaso (Masamu) 111:4

Hanewulula atu yitanga yenyi ya kukomwesa. Yehova mukwa vumbi kanda mukwa keke.

Miaso (Masamu) 111:5

Hanahana kulia kuli waze akumuvwila woma. Kumakewuluka usendo wenyi matangwa eswe.

Miaso (Masamu) 111:9

Hanatumu ukule kuli atu jenyi. Hanahana shimbi ya usendo wenyi ku miaka ya mutolo jina lienyi lisandu; kole ni woma.

Miaso (Masamu) 116:5

Yehova mukwa vumbi ni ululi; ewa, Zambi yetu mukwa keke.

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Kutuhuka 6:8

Kumakanuhetesa ku chifuchi chize washingile ngwenyi, Mungukachihana kuli Apalahama ni kuli Izake ni kuli Yakomba. Mungukanwahacho chihinga. Yami Yehova.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Alevi 26:42

mba mungwiwuluka usendo wami nakolesele ni Yakomba, ni usendo nakolesele ni Izake, ni usendo nakolesele ni Apalahama. Mungwiwuluka chifuchi.

Alevi 26:44

Chipwe chocho shimbu ali mu chifuchi cha akwa kole jo chichi kwalelesa, hanji kwavwila kole ngukaonwone liakulu nikutangula usendo uze nakolesele no, mumu yami Yehova Zambi yo.

Alevi 26:45

Alioze mumu ha mukunda wa ayo mungwiwuluka usendo uze nakolesele ni tulamba two aze nachijile ku chifuchi cha Engitu kumeso ja mavungu hanga ngukapwe Zambi yo. Yami Yehova.

Yona 4:2

Yalemba kuli Yehova ngwenyi, Yehova, ngunalembe kuli yena, te chambile chino chene shimbu te nguchili mu chifuchi chami nyi? Kashika naliangile kuchinyina ku Tashi, mumu nanyingikine ngwami, Uli Zambi ya vumbi, wa tò ni keke, makoke kutenuka, mukwa kulumbamisa utu wa zango, kuwakulikonyeka ha chuma chikalu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Luka 1:72

Mukulweza keke kuli tulamba twetu, mukwiwuluka usendo wenyi usandu;

Shimbi 31:6

Takamenu, hamukenu, kanda nwivwa woma, kanda nususamiana mumu hali ayo, mumu Yehova Zambi yenu iye kanayi hamwe ni yenu; kechi kanuhichika, chipwe kunwehuka, ka.

Shimbi 31:8

Yehova, iye kanayi kumeso je, kumakapwa hamwe ni yena; kechi kakuhichika, chipwe kukwehuka, ka; kanda wivwa woma, chipwe mwongo, ka.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Yoshua 1:5

Niumwe mahasa kulimika ni yena matangwa eswe a mwono we. Chizechene ngwe napwile ni Mose chocho mungupwa ni yena. Chichi kukuhichika hanji kukwehuka.