Shimbi 4:29 - MUKANDA USANDU WA ZAMBI 1975

²⁹ Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Mukanda Wa Zambi 1970

²⁹ Kwenako munukafupa Mwene Zambi, Zambi yenu. Nyi ngwe munukamufupa ni mbunge jeswe, kachi munukamuwana.

Shimbi 4:29 Iomraidhean Croise

1 MIANANGANA 10:31

Alioze Jehu kanyongene kwenda mu shimbi ja Yehova Zambi ya Izalele ni mbunge yenyi yeswe. Kechele milonga ya Jeroboame yize avulumwishine nayo A-Izalele.

1 MIANANGANA 23:3

Mba mwanangana yamana ku nguji, yakolesa usendo kumeso ja Yehova kukaula Yehova, kufunga shimbi jenyi ni Shindakenyo jenyi ni yiyulo yenyi ni mbunge yenyi yeswe, ni mwono wenyi weswe, nikukolesa maliji a usendo uno asonewene mu mukanda. Atu eswe atayijile usendo.

2 Sango Ja Mianangana 15:12

Yakolesa usendo kufupa Yehova Zambi ya tulamba two ni mbunge jo jeswe ni mwono wo weswe;

2 Sango Ja Mianangana 15:15

A-Yunda eswe yawahilila ni shingo lino mumu halishinga ni mbunge yeswe; hamufupa ni upale wo weswe, hamuwana. Mba Yehova yaaha kuhwima kweswe kwa kujingilika.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

2 Sango Ja Mianangana 15:4

Alioze mu lamba lio muze alumukinyine kuli Yehova Zambi ya Izalele ni kumufupa, yamuwana.

2 Sango Ja Mianangana 31:21

Milimo yeswe yaputuka mu uvumbiko wa zuwo lia Zambi, ni mu shimbi, ni mu maliji, akafupe Zambi yenyi, yalinga ni mbunge yeswe, kashika milimo yenyi yiyiwaha.

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Nehemia 9:27

Kashika waakunjikile kuli akwa kulimika no. O aapinjishile mba ha mwaka wa lamba lio, muze atetele kuli yena, ena mwilu waapanjikile; mba nikulita ni keke ye yeka ni yeka waatumine yilamwina waze aalamwinyine ku moko ja akwa kulimika no.

Miaso (Masamu) 119:10

Kunakufupa ni mbunge yami yeswe. Kanda ungutayiza kama kupianguka ku shimbi je.

Miaso (Masamu) 119:145

Hinasanyika ni mbunge yami yeswe; ungukumbulule kama, Yehova. Mungufunga yiyulo ye.

Miaso (Masamu) 119:2

Kawaha waze atunga Shindakenyo jenyi; waze amufupa ni mbunge yeswe.

Miaso (Masamu) 119:58

Nechile vumbi lie ni mbunge yami yeswe; unguvwile kama keke nikulita ni liji lie.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 51:50

Enu kunwafwile ni katana yénu, kanda numana chizechene! Iwulukenu Yehova chipwe nuli kusuku. Yerusaleme nuyiwuluke mu manyonga jenu ngwenu,

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Amose 5:4

Mumu Yehova kanambe ku munyachi wa Izalele ngwenyi, Ngufupenu, nutwame ni mwono.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 26:16

Yehova Zambi yenu wanwamba musono nulinge yiyulo yino ni upatwilo uno, kashika nuyifunge ni kuyilinga ni mbunge jenu jeswe, ni alma jenu jeswe.

Shimbi 30:10

kachi munukazeya ku liji Ka Yehova Zambi yenu, mukufunga maliji jenyi a shimbi ni yiyulo yenyi yinasonewa mu mukanda uno wa shimbi, kachi munutewulukila kuli Yehova Zambi yenu ni mbunge jenu jeswe, ni alma jenu jeswe.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.